Ниските жени имаат побавен метаболизам и потешко слабеат, барем така тврди доктор Крег Примац, претседател на Медицинското здружение за дебелина во САД. Колку калории му се потребни некому и како може да се постигне идеална телесна маса зависи и од годините и од полот на личноста, но и од уделот на одделни компоненти на телото – масно ткиво, коскена маса, мускулна маса и вода.
Зошто животот не е фер?
Наједноставниот одговор на ова прашање би бил – Колку телото е помало, помалку енергија му треба. Додека другата верзија би гласела:
– Ниските жени имаат помала маса на ткиво која ја прават мускулите, органите, коските, сврзните ткива, значи сето она што не се масти и вода. А од таа вкупна маса зависи и потрошувачката на калории. Колку е таа поголема, на личноста и е потребно поголемо количество калории за функционирање на базалниот метаболизам и обратно, објаснил д-р Примац.
Истражувањата објавени во медицинскиот магазин “Plus one” покажале дека ниските жени имаат помали витални органи од повисоките, односно дека големината на органите е пропорционална на големината на телото.
– И како тоа да не е доволно имаат и помалку мускули, а се знае дека мускулите трошат повеќе калории од мастите, вели тренерот Мари Спано. Но ако сте ниски немојте да сте мрзеливи затоа што постои начин како може да го „надмудрите“ природно бавниот метаболизам.
Совети за слабеење на ниски жени:
Јадете во склад со потребите
Водете се од сигналот за ситост и глад и престанете да јадете кога ќе почувствувате дека ви е доста и не се споредувајте со повисоките пријателки или членовите на семејството. Според една студија објавена во магазинот “American Journal of Clinical Nutrition”, личностите со побрз метаболизам се погладни од пониските личности кои имаат побавен метаболизам.
Кревајте тегови
Големината на органите не можете да ја смените, но можете количеството на мускулите. Примац советува во својата рутина на вежбање да искомбинирате и тренинг на силата, тој тврди дека подобро е да се крева тег еднаш отколку со тегови со полесна тежина да се повторува вежбата повеќе пати.
Јадете повеќе протеини
Кога настојувате да го намалите внесот на калории, зголемете го внесот на протеини затоа што тие даваат долготрајно чувство на ситост и го стабилизираат шеќерот во крвта. Тоа правило се однесува и на повисоките личности кои настојуваат да ја зголемат мускулната маса. Внимавајте на внесот на витамини и минерали – некои диетални режими се сиромашни со важни нутритиенти чиј недостаток може да го загрози здравјето. Заради тоа пред да направите промени во исхраната треба добро да се информирате и да се одлучите за режим кој ги обезбедува сите потребни нутритиенти, вклучително витамини и минерали.
