Кристијано Роналдо е еден од најпознатите светски фудбалери на денешницата. 33-годишниот играч на Јувентус зад себе има безброј награди и признанија, а меѓу нив се пет пати носител на Златна топка и четири пати Златна копачка.
Фудбалерот е со впечатлив физички изглед, со добро развиена мускулатура што го прави да изгледа повеќе како олимписки пливач, а не како играч веќе во возраст на ветерани. Пред да го финализира трансферот во Јувентус на 10 јули оваа година, тој мина детални медицински прегледи кои ги воодушеви сите. Напаѓачот добил впечатливи резултати за 33-годишен спортист и неговата физичка подготвеност била еднаква на 20-годишен атлета.
Кристијано има едвај седум проценти телесни масти, што е три проценти помалку од средната вредност за професионален играч на такво ниво. Фудбалерот има и впечатливи 5 % мускулна маса, што е 4 % повеќе од играч на највисоко ниво.
Како еден 33-годишен ветеран го постигнува тоа? Лекарите кои го следат здравјето на напаѓачот на Јувентус успеале да ја откријат основната тајна на добрата форма на 33-годишниот Португалец.
Според д-р Хуан Карл Ернандес, тајната на Роналдо е проста – таа се крие во посветеноста и постојаното придржување кон неколку навики.
„Трите точки на успех на Роналдо: правилен тренинг, правилна исхрана и правилен одмор“, посочува лекарот.
Според лекарот Мик Клег пак, она што го разликува Роналдо од останатите спортисти е тоа дека тој никогаш не застанува. Освен тоа, Роналдо плива дома и по натпреварите. Се подложува и на водени терапии со топли и студени бранови за да го стимулира обновувањето на мускулите. Тоа не е се. Дополнителна водна струја под висок притисок му го масира целото тело. Роналдо има и соба за криотерапија. Станува збор за минимално инвазивен третман кој користи замрзнување или уништување на заразените ткива, вклучувајќи ги и клетките на ракот. 33-годишниот Португалец, исто така, има и соба со течен азот, чија температура достигнува минус 200 Целзиусови степени. Толерантниот престој во неа е до три минути, но со огромни регенеративни придобивки.
Специјалните спортски напитоци, исто така, му помагаат на фудбалерот за одлична хидратација. Тој знае кога е време за лесни оптоварувања со кои го поддржува единствено тонусот.
Храната му се подготвува по специјален режим со ниска содржина на масти и шеќери. Роналдо не пие алкохол и јаде скара одвреме-навреме. Како и повеќето иргачи, тој, исто така, брза да ги надомести исгубените калории по мечот. Разликата е што останатите фудбалери по натрпеварот се прибираат дома, односно во хотел, а Роналдо оди да плива.
