Една студија во која учествувале 300 000 возрасни Американци покажала дека личностите кои вежбаат редовно и доволно спијат имаат релативно мал ризик од мозочен удар. Научниците најнапред утврдиле дека учесниците кои во текот на ноќта спијат 7 до 8 часа имаат за 25 отсто помал ризик од мозочен удар во однос на личностите кои спијат повеќе или помалку од тоа. Доволниот број на часови сон и редовното вежбање, од 3 до 6 пати неделно, здружено до намалуваат ризикот од шлог дури и за два и пол пати.
Во истата студија научниците утврдиле дека возрасните личности кои редовно спијат повеќе од 8 часа имаат за 146 проценти поголем ризик од мозочен удар. Авторите на студијата сметаат дека е можно личностите кои повеќе спијат да се помалку активни и неретко имаат вишок килограми што го зголемува ризикот од мозочен удар. Од друга страна, и премалку сон неповолно влијае на кардиоваскуларното здравје – личностите кои навечер спијат помалку од 7 часа можат да имаат висок крвен притисок што е сериозен фактор за мозочен удар.
