Научниците кои ја проучувале ДНК кај 2.700 пациенти заболени од КОВИД-19 на 208 оддели за интензивна нега низ Велика Британија, откриле дека пет гени вклучени во молекуларни процеси – антивирусен имунитет и воспаление на белите дробови – биле клучни во многу тешки случаеви.
“Нашите резултати веднаш покажаа кои лекови треба да бидат на врвот на списокот за клинички испитувања“, вели Кенет Баили, академиски советник за интензивна медицина на Универзитетот во Единбург, кој учествувал во ова истражување.
Гените, наречени IFNAR2, TYK2, OAS1, DPP9 и CCR2, делумно објаснуваат зошто некои луѓе развиваат мнгоу тешка форма на болеста, додека некои други поминуваат со полесна форма, додава тој.
Резултатите од истражувањето објавени во стручното списание Nature, би требало да им помогнат на научниците за ја забрзаат потрагата за потенцијални лекови за КОВИД-19 со клинички испитувања на антивирусни и противвоспалителни лекови.
Меѓу оние со најголеми потенцијали би требало да бидат инхибитори ЈАК, кои го вклучуваат лекот против артритис baricitinib, изјави Баили.
Неговиот тим исто така открил дека засилената активност на генот INFAR2 може да создаде заштита против КОВИД-19 бидејќи веројатно ќе го имитира ефектот на лекување со интерферон.
Разни посточеки лекови се истражуваат во клинички испитувања за да се види дали може да помогнат против КОВИД-19.
