Ако некогаш сте си рекле самите на себе дека треба да се разбудите во одредено време, да се концентрирате, да се насмеете, да дишете длабоко, да се опуштите или да спиете, сте ја користеле моќта на автосугестија.
Всушност автосугестијата е наједноставната и најмоќна алатка за програмирање на умот. Таа е една од техники за управување која е едноставна, секогаш достапна, може да се изврши каде било и во кое било време и не бара посебни вештини или обука.
Автосугестијата е инструмент со кој мораме да научиме да се служиме за да постигнеме најдобри резултати.
Меѓутоа, постојат и луѓе кои мислат дека со помош на автосугестија можат да излекуваат болест, што е потполно неразумно. Од сугестијата треба да се бара само она што таа може да даде.
Ако некој е навистина убеден во успех, тоа и ќе се случи. Можеби не на начинот на којшто сме очекувале, но тој сигурно ќе се појави.
Размислете за луѓето кои се секогаш оптеретени со негативни мисли и негативни предвидувања. Дали сте забележале дека тие навистина немаат среќа во животот? Тоа е затоа што не веруваат во себе и со автосугестија се концентрираат на негативните работи.
Секогаш размислувајте позитивно и не заборавајте дека сугестијата има моќ само доколку верувате во неа!
