Иако некои ги сметаат печурките за зеленчук, тие се посебно царство на живи организми. Некои се отровни, а некои се исклучително здрави. Еве зошто печурките се здрави и зошто треба почесто да ги јадете.
Хранливи својства на печурките
Печурките содржат многу малку холестерол и практично немаат маснотии или натриум во својот состав. Содржат комплекс на витамин Д и на овој начин печурките ослободуваат енергија од мастите, протеините и јаглехидратите во храната.
Некои видови печурки го поттикнуваат имуниот систем и се добри во борбата против ракот. Линолеинската киселина во печурките спречува појава на рак на дојка и простата.
Печурките можат да ги консумираат и дијабетичарите бидејќи не содржат масти и го поттикнуваат нормалното функционирање на црниот дроб, панкреасот и ендокрините жлезди. Тие содржат природен инсулин и ензими кои помагаат да се намали шеќерот во крвта. За вегетаријанците е исклучително важно често да консумираат печурки бидејќи тие се најголемиот извор на неопходни состојки кои ги нема во овошјето и зеленчукот.
Несакани ефекти
Сепак, треба да се биде внимателен со консумирањето на печурките бидејќи преголема количина може да предизвика мачнина, вртоглавица или силни грчеви во стомакот кај чувствителните луѓе. Се разбира, печурките секогаш треба да се купуваат од сигурни добавувачи. Исто така, ако не сте сигурни дали печурката може да се јаде, не треба да ја допирате кога ќе ја видите во природа.
