Испуштањето гасови, било тоа да е нечујно или гласно, рафално или малку, без мирис или со непријатен мирис… сите тоа го правиме. Некои луѓе почесто испуштаат ветрови од останатите и не постои некоја мерка која би одредила колку гасови дневно е нормално.
Вообичаениот дневен број на гасови се разликува од лице до лице, но според некои проценки, луѓето испуштаат гасови околу 15 пати дневно.
Ако забележувате дека кај вас дошло до значајни промени во зачестеноста на испуштањето ветрови или прекумерното испуштање почнува негативно да влијае на вашиот секојдневниот живот, обидете се прво да откриете што е причина за тоа.
Газирани пијалаци?
Газираните пијалаци може да бидат еден од главните причини за зачестеното испуштање гасови, исто како и џвакањето гума за џвакање или пиењето од сламка. Сето тоа доведува до насобирање на поголема количина на воздух во дебелото црево, а тоа може да доведе и до 50% зголемување на зачестеноста и интензитетот на гасови. И брзото голтање храна, како и зборувањето за време на оброкот може да доведат до голтање на воздух и тоа да предизвика подригнување и испуштање гасови.
Воспалителна болест на цревата?
Стручњаците предупредуваат дека прекумерното испуштање гасови може да биде и знак на некоја воспалителна болест на цревата, Кронова болест или улцеративен колитис. Освен поголема количина на гасови, за воспалителната болест на цревата симптоми се и дуење на стомакот, исцрпеност и повторувачки пролив.
Зеленчук?
Салатата секако и здрав оброк, но може да предизвика почесто испуштање гасови. Зелка, прокељ и брокула содржат јаглехидрати и поради тоа потешко се варат, подолго се задржуваат во желудникот и таму создаваат гасови. Освен тоа, кромидот, пченичните никулци и сливите може да доведат до зачестени гасови, како и гравот, грашокот и леќата.
Синдром на иритабилно црево?
Синдромот на иритабилно црево е болест на дигестивниот систем која може да биде многу непријатна. Симптомите вклучуваат често испуштање гасови, надуеност, грчеви во желудникот и запек.
Целијакија
Ако подолго време испуштате гасови почесто од вообичаено, можно е да имате целијакија, односно чувствителност на глутен кој го има во тестенините, житарките и лебот.
