Кога ќе престанете со пушење цигари, речиси истиот момент здравјето почнува да се подобрува. Иако, престанувањето не е едноставно, ако можете да се фокусирате на овие предности, сигурно ќе вио помогнат да ги оставите цигарите.
“Со 4.000 штетни хемикалии во секоја цигара, секој пат кога ќе вдишите чад во белите дробови, нанесувате огромна штета на телото, забите и кожата“, тврди д-р Пиетр Селби, клинички директор на програмата за зависности и ментално здравје во Торонто.
Промените кои се случуваат во телото, по последната цигара се:
По 20 минути: Вашиот крвен притисок и пулс ќе паднат. Температурата во рацете и нозете се враќа во нормала.
По осум часа: Јаглеродниот моноксид во крвта се доведува во нормала. Нивото на кислород се зголемува на нормално ниво.
По 24 до 48 часа: Шансата да добиете срцев удар се намалува. Сетилата за вкус и мирис се засилени.
По 72 часа: Дишењето станува полесно, и имате повеќе енергија.
По 14 дена: Вашата циркулација се подобрува и продолжува да се подобрува во наредните 10 недели.
По 2-3 месеци: Циркулацијата е значајно подобрена. Пешачењето станува полесно. Вашите белодробни функции се зголемуваат за дури 30%.
По девет месеци до една година: Се намалува кашлицата, заморот и проблемите со синусите и отежнатото дишење. Белите дробови се поотпорни на инфекции. Ризикот од срцеви болести се намалува за 50% во однос на лицата кои се уште пушат.
По три години: Ризикот од срцеви болести и мозочен удар се намалува на ниво кое го имаат лицата кои никогаш не пушеле.
По пет години: Шансите да заболите од рак на бели дробови се намалуваат за речиси за 50% во однос на пушачите. Ризикот од рак на уста, грло и хранопроводот е исто така намален за 50%.
