Отпечатено е првото 3Д срце во светот, а тоа најавува вистинско медицинско чудо. Техниката можеби еден ден ќе овозможи трансплантација на најважниот човеков орган. Група научници тврди дека го направиле првото 3Д отпечатено срце со човеково ткиво и крвни садови, а иако органот е со големина на цреша и не може да пумпа крв уверуваат дека неговото создавање е големо медицинско откритие.
Се верува дека тоа е првото срце кое е отпечатено со клетки, крвни садови и комори. Иако на срцата ќе им треба повеќе време пред да можат да пумпаат крв, научниците се надеваат дека ќе почнат да ги користат во рок од една година.
„Луѓето во минатото успеале да ја испишат 3Д структура на срцето, но не со клетки или крвни садови. Ова е прв пат некој успешно да осмислил и испишал цело срце преполно со клетки, крвни садови, комори и преткомори“, рекол авторот на проектот проф. д-р Тал Двир од универзитетот во Тел Авив.
Оптечатеното човеково срце е со големина како зајачкото и може да се стега како мускул, но не може да обави потполно пумпање. Направено е од клетки кои се размножени од примерок масно ткиво земено од пациент. Истражувачите нагласиле дека е голем предизвик да се произведат доволно клетки со цел да би можело да се произведе цело човеково срце.
Во теоријата техниката еден ден ќе може да произведе ново срце, користејќи рециклирани клетки од сопственото рело на пациентите што го намалува ризикот да биде отфрлено.
„Можеби за 10 години во најдобрите болници ширум светот ќе постојат печатачи за органи, а тие постапки ќе се спроведуваат рутински“, рекол професорот Двир. Тој додал и дека е посигурно да се започне со трансплантација на органи кои се помалку важни од срцето, како што се, не пример, слезината, слепото црево, жолчната ќеса, бубрег, па дури и бели дробови.
