Јагодите и спанаќот содржат најголеми количини на остатоци од пестициди, стои во најновиот извештај на Работната група за животна средина – EWG (Environmental Working Group), кој објави нова листа од 12 видови на овошје и зеленчук со највисока концентрација на пестициди – т.н. „валкани дванаесет“.
Анализата, спроведена на производи кои не се органски одгледувани, врз основа на примероци од производи, кои биле тестирани од страна Одделот за земјоделство на САД покажала дека еден примерок на јагоди бил позитивен на 20 различни пестициди, додека спанаќот содржел речиси двапати повеќе остатоци од пестициди од кое било друго овошје или зеленчук.
После јагодите и спанаќот следуваат, подредени по количината на пестициди, нектарини, јаболка, грозје, праски, вишни, круши, домати, целер, компир и пиперки. Секоја од овие намирници била позитивна на остатоци од различни. Повеќе од 98 отсто од анализираните праски, цреши и јаболка содржеле остатоци од најмалку еден пестицид. Пописот е идентичен со минатогодишниот, што значи дека има малку промени во одгледувањето на овие видови овошје и зеленчук.
Дали остатоците од пестициди се безбедни?
Во делот на извештајот со наслов „Дали остатоците од пестициди се сигурни?“, EWG меѓу другото наведува неколку неодамнешни студии кои укажуваат на врската помеѓу консумирањето на овошје и зеленчук со големи количини на остатоци од пестициди и проблеми со плодноста. Во студијата Earth, спроведена на Универзитетот Харвард било откриено дека мажите – вклучувајќи ги и оние на помлада возраст, како и жените кои често консумираат храна со повисоки вредности на остатоци од пестициди имале проблеми со плодноста, додека кај ниското ниво на пестициди не било пронајдено влијание врз плодноста.
Како да се избегнат пестицидите? Оние кои јадат органски одгледувани производи внесуваат помалку пестициди, па така консументите на органски производи имале значително пониски количини на органофосфатни инсектициди во урината, без разлика што јаделе 70 отсто повеќе овошје и зеленчук на ден, за разлика од испитаниците, кои ретко или никогаш не купувале органски производи, покажало истражувањето на Универзитетот Вашингтон.
„Чисти 15“: Најчисти авокадото и слатката пченка
EWG, исто така, донесува и листа на „чисти 15“ производи за кои е најмалку веројатно дека содржат пестициди. На листата меѓу другите се и авокадо, слатка пченка, ананас, зелка, кромид, замрзнат грашок, папаја, аспарагус, манго, модар патлиџан, киви, карфиол, брокула… Најчисти биле авокадото и слатката пченка – пестицидот бил откриен во помалку од еден процент од примероците.
