Лицата на кои им е отстрането слепото црево може да бидат изложени на зголемен ризик за развој на Паркинсонова болест, укажува нова студија. Имено, се покажало дека апендектомијата го зголемила ризикот од Паркинсонова болест за дури 300%.
Во поново време, научниците почнаа да го сфаќаат слепото црево како имунолошко ткиво кое е вклучено во помагање на телото во одбрана од микроби и регулирање на бактериите во цревата. Најновите сознанија се дека органот служи и како вид на резервоар за корисни бактерии во цревата, овозможувајќи им на бактериите да се наполнат кога залихите ќе се исцрпат.
Инаку, најновите истражувања за Паркинсоновата болест фокусирани се на алфа синуклеин – протеин кој се наоѓа во гастроинтестиналниот тракт на почетокот на Паркинсоновата болест. Поради тоа, научниците го истражуваат гастроинтестиналниот тракт, вклучувајќи го и слепото црево.
