Кетрин Зита Џонс има 49 години, а изгледа занесно и тоа благодарение на чорбата од зелка со чија помош открила дека губи килограми. На часовите по мечување и јавање познатата актерка ги зајакнува мускулите и стекнува кондиција. Во тој период избегнува леб, алкохол, овошни сокови, смрзната храна, слатки и грицки.
Состојки за магичната чорба на актерката: Китка млад кромид или два праза, половина килограм домати, две зелени пиперки, главица зелка, пет моркова, китка целер, китка магдонос, вегета, сол, бибер, кари и чили.
Начин на приготвување: Ситно исечкајте го зеленчукот и ставете го во тенџере. Потоа прелијте го со два литри вода и варете околу 10 минути додека водата не зоврие. Откако ќе проврие варете околу половина час на тивок оган. На крајот можете да додадете малку оцет за да го ублажите мирисот на зелката.
Пет основни прашања:
Колку килограми можете да изгубите?
Шест килограми за една седмица.
Принцип?
Колку повеќе зелка јадете, организмот согорува повеќе масти и со самото тоа повеќе слабеете.
Предности?
За само една недела можете да ослабете и да „влезете“ во гардероба која е помала од вашата моментална, дури за два конфекциски броја: идеално ако сакате во рекорден рок да ја дотерате линијата.
Недостатоци?
Основа на диетата е зелката. Доколку не ја поднесувате ќе морате да ја замените со друг зеленчук.
Фактор здравје?
Блиц диетите во кои спаѓа и оваа можат да се спроведуваат најдолго една недела и не повеќе од два пати годишно.
Предвидено мени
Освен оваа зелка чорба во деновите додека трае режимот дозволено е да се јаде и следното според дадениот распоред:
Прв ден: Кое било овошје, освен банани.
Втор ден: Свеж и варен зеленчук. Одбегнувајте грав, грашок и пченка. За вечера е дозволен варен компир и марагрин.
Трет ден: Можете да јадете колку сакате овошје и зеленчук.
Четврти ден: Дозволени се три банани со немасно млеко. На вашиот организам потребни му се јаглехидрати, протеини и калциум, а така се намалува и желбата за слатки.
Петти ден: На дневното мени би требало да има максимално 200 г месо (приготвено без маснотија) и шест свежи домати (може и исто толку чаши сок од домати).
Шести ден: Месо и зеленчук – колку и да сакате, јадете само зелен зеленчук.
Седми ден:Последниот ден можете да јадете ориз, зеленчук и да пиете незасладени сокови.
