Симптомите како што се крварење од нос, вртоглавица, црвенило на лицето, како и главоболка или замор, може да се јават кај лице со зголемен крвен притисок, но истите се јавуваат и кај лице со “нормален“ крвен притисок.
Еден од митовите, поврзани за високиот притисок, како што велат лекарите, секако е оној дека високиот притисок се поврзува со нервоза, потење, потешкотии со спиењето.
Вистината е дека високиот крвен притисок не е поврзан со тегоби, и затоа се нарекува и тивок убиец. Пораката на лекарите е да не се обидувате сами да си поставите дијагноза на хипертензија, туку да го оставите тоа тие да го направат.
КОИ СЕ ОПТИМАЛНИТЕ ВРЕДНОСТИ НА КРВНИОТ ПРИТИСОК?
- Состојбата на притисокот е нормална, ако систолниот притисок е понизок од 120, а дијастолниот понизок од 80 mmHg.
- Состојбата на притисокот е нормална и ако систолниот притисок е помал од 130, а дијастолниот од 85 mmHg.
- Состојбата на притисокот е гранична, ако систолниот изнесува помеѓу 130 и 139 mmHg, а дијастолниот помеѓу 85 и 89 mmHg. Во тој случај повторна контрола направете за една година.
- Прв степен на хипертензија подразбира систолен притисок помеѓу 140 и 159 mmHg, а дијастолен помеѓу 90 и 99 mmHg. Се препорачува контрола за два месеци.
- Втор степен на хипертензија подразбира систолен притисок помеѓу 160 и 179 mmHg, а дијастолен помеѓу 100 и 109 mmHg. Во тој случај, контрола на притисокот кај лекар треба да направите за еден месец.
- Трет степен на хипертензија подразбира систолен притисок од 180 mmHg и повеќе, и дијастолен од 110 mmHg па нагоре. Се препорачува лекарска помош за една недела.
