Едноставните мерки со кои се заштитува црниот дроб се, секако, здравата исхрана, одржувањето на нормална телесна тежина со секојдневна активност и избегнување на алкохол.
Исхраната треба да биде богата со зеленчук и овошје, житарки, мешунки, јаткасти плодови и семки. Ова е листа на неколку намирници кои ќе го чуваат здравјето на овој важен орган во телото.
Јаболка
Јаболката се одлични и за здравјето на црниот дроб. Ако тој е здрав, тогаш е способен да ги држи штетните материи надвор од телото без процес на детоксикација, а јаболката благодарение на високата концентрација на витамините А и Ц, магнезиумот, јодот и бакарот делува како природен диуретик, па така го штити црниот дроб, а со самото тоа и целокупното здравје на поединецот.
Зелен лиснат зеленчук
Кељ, зелка и брокула се одличен избор за црниот дроб бидејќи содржат висок процент на сулфур кој помага при детоксикација на црниот дроб и поттикнува да се ослободи од токсичните содржини.
Јајца
Јајцата нудат некои од најквалитетните протеини, кои ги содржат сите осум есенцијални аминокиселини и колин. На црниот дроб му се потребни овие есенцијални аминокиселини за извршување на детоксикациските процеси. Колинот е потребен за силен метаболизам, се наоѓа во жолчката и го штити црниот дроб од висок распон на токсични состојки додека детоксифицира тепки метали.
Глуварче
Оваа билка претставува идеален третман за црниот дроб, бидејќи е многу делотворна и безбедна. Може да се користат сите делови на цветот, но најпопуларен и докажан за лекување на црниот дроб е коренот на глуварчето. Лисјата, пак, се добро познати за поттикнување на здравјето на бубрезите.
