Здравата исхрана има можеби и најголема улога во квалитетното функционирање на органзимот, што последично носи и долг живот – но, и тој треба да биде квалитетен. Еден од честите проблеми кој се јавува во повозрасните години е деменцијата, синдром поврзан со се полошите когнитивни функции, а околу 850 илјади луѓе живеат со симптоми на деменција.
Постојат малку податоци за тоа што точно може да го забави развојот на болестите, но најнова студија тврди дека на когнитивното здравје може да му помогнеме со поголем внес на јаткасти плодови.
Универзитет во Австралија открил дека јаткастите плодови може да го зајакнат функционирањето на мозокот во зрелата возраст. Резултатите се темелат на податоци од 48.000 лица на возраст од над 55 години. Консумирањето на над 10 грама јаткасти плодови дневно, што е отприлика две лажички, е поврзано со подобри способности за размислување, поврзување и со помнење.
Научниците дошле до неверојатни резултати дека когнитивното функционирање на мозокот може да се подобри за дури 60% поради внесот на јаткасти плодови.
“Јаткастите плодови содржат високи количини на здрави масти, протеини и влакна, и на тој начин може да го намалат холестеролот и да го подобрат когнитивното здравје“, објаснил главниот автор на истражувањето, д-р Минг Ли, додавајќи дека иако нема долгорочен лек за намалување на когнитивните вештини во текот на годините, варијациите со исхраната може да резултираат со подобри когнитивни резултати.
Светската здравствена организација проценува дека околу 47 милиони луѓе во светот живеат со деменција, а до 2030 година, таа бројка ќе се зголеми на 75 милиони.
“Природно е со годините да дојде до промени во поврзувањето, брзината на обработката на информации и во помнењето. Се е тоа нормален дел од стареењето. Но, староста и натаму е најголем ризик за когнитивните болести“, додава д-р Ли.
