Туморите во подрачјето на дланката (шаката) и подлактицата имаат низа специфичности, поради што кон нив треба да се однесува на посебен начин, без разлика дали се наоѓаат во меките ткива, коските или се зафатени и двата вида на ткива. Овие тумори имаат единствен образец на раст и ширење, така што можноста за развој на метастази може да биде значајно различна од развојот на метастази во било кој друг дел на телото.
Бројот на малигни тумори во подрачјето на шаката и подлактицата е релативно мал, поради што постојат многу мал број на студии кои опфаќаат лекување и следење на поголем број на пациенти.
Најважна улога во дијагностицирањето и лекувањето има биопсијата, одредувањето на стадиумот на туморот, како и отстранувањето на целиот тумор и неговата широка околина или ампутација на прстот или целиот ред на коски кои се наоѓаат во коренот на зафатениот прст.
Хондросаркомот е малигнен, бавнорастечки тумор кој се јавува во подрачјето на коските на шаката. Најчесто се зафатени проксималните (базични) коски на прстите или метакарпалните коски. Хондросаркомот може да настане примарно, но може да се развие и од бенигнен тумор, како што остеохондром (тумор граден од коскено ‘рскавични клетки) или енхондром (тумор граден само од ‘рскавични клетки).
Хондросаркомот е граден од ‘рскавични клетки кои со неприроден раст ја задебелуваат зафатената коска, а внатре во туморот се наошаат распаднати клетки и калцификати (наслаги со минерална содржина). Границите на хондросаркомот не се јасни и тој често продира во околните меки ткива, за разлика од бенигните тумори кои се добро ограничени и неретко се сместени внатре во посебна мембрана (капсула), која ги опкружува.
За разлика од некои други малигни тумори кои даваат метастази релативно често, хондросаркомот во подрачјето на шаката дава метастази кај 10% од случаите.Тој најчесто метастазита во белите дробови.
Хемотерапијата и зрачењето не се ефикасни во броба против хондросаркомот
Од тие причини, особено внимание треба да се посвети на сите тумори (отоци) во делот на шаката и подлактицата. Особено, напоменуваат стручњаците, ако се знае дека резултатите од лекувањето ќе бидат подобри во смисол на функционирање на дланката, а животот на пациентот ќе биде помалку загрозен.
