Не сте планирале да останете на сонце толку долго, но штетата веќе се случила. Еве што никогаш не смеете да направите.
ТЕСНА ОБЛЕКА
По изгорениците, мора да оставите кожата да дише. Д-р Шерин Идрис вели дека никако не смеете да носите тесна облека што ве стега, бидејќи телото во тој момент се обидува да се опорави од траумата и и е потребно воздух и простор.
КРЕМИ
Алое верата има антивоспалителни својства и е добра за кожата по сончање или за изгореници. Но, со оглед дека во ваквите креми и лосиони се додаваат и некои други состојки, внимавајте да користите препарати кои се стопроцентни, бидејќи додатоците може да ја иритираат кожата.
ВОДА
Водата е секогаш важна, а особено во вакви моменти. Со оглед дека изгорениците ќе предизвикаат и болка, но и ќе ја повлечат сета вода од организмот кон кожата, мора да пиете многу вода. Лекарката потенцира дека освен вода може да користите било каква течност, само да не заборавате да ја испиете.
ПУДРА
Никогаш не ги покривајте изгорениците со пудра, бидејќи, нагласува д-р Идрис, кожата мора да дише. Користењето пудра за да ги покриете изгорениците може да доведе до појава на инфекции.
ЛУПЕЊЕ НА КОЖАТА
Кожа што се одвојува може да биде и знак за нешто посериозно, но ако сте поминале повеќе часови на сонце, веројатно дека како последица дошло до лупење и мора да паничите. Кожата ќе се опорави, а и самото лупење е дел од процесот на опоравување. Она што мора да направите е да дозволите кожата сама да се излупи, а не тоа вие да го правите.
