Вообичаени симптоми, како што се болка или притисок во градниот кош, на повеќето им се добро познати. Но, постојат и помалку познати и очигледни, од кои некои се јавуваат и денови пред срцевиот удат, а кои пациентите може да ги занемарат.
ЗАМОР
Ова е еден од најчестите симптоми кој пациентите со инфаркт го пријавуваат кај лекарите, опишувајќи го како општ замор и неможност за извршување на секојдневните, па дури и оние највообичаени задачи.
БОЛКА ВО ГРБОТ, РАЦЕТЕ ИЛИ ГРАДИТЕ
Сигнализирачка болка или во грбот, градите или во двете раце, често е тивок знак на срцев удар. Кога поради блокираната артерија, клетките на срцевиот мускул почнуваат да губат кислород за време на срцевиот удар, и тие почнуваат да испраќаат сигнали на болка низ нервниот систем.
КРАТОК ЗДИВ
Доколку скалите кои водат до вашиот стан или работно место вообичено не ви се проблем, а одеднаш се чувствувате како едвај да доаѓате до воздух, тоа би можело да биде знак за срцев удар.
ЖИГОВИНА И ПОДРИГНУВАЊЕ
Доколку некоја храна вообичаено ви предизвикува жиговина и ве тера на засилено подригнување, веројатно не е во прашање ништо што не може да се реши со избегнување на одредени намирници. Ако никогаш претходно не сте имале слични проблеми, повикајте го својот лекар оти тоа може да биде нзак за срцев удар. Имено, болка во градите налик на жиговина, предизвикана од недостаток на доток на крв во срцето, што се случува во текот на срцевиот удар, предупредуваат лекарите.
НЕПРИЈАТНОСТ ВО АБДОМИНАЛНАТА ШУПЛИНА (СТОМАЧНА НЕРВОЗА)
Симптомите на срцев удар понекогаш може да имитира желудочни проблеми како што се мачнина, повраќање или општа вознемиреност на гастроинтестиналниот тракт, особено кај жените.
НЕЛАГОДНОСТ ВО ПОДРАЧЈЕТО НА ГРЛОТО, ВРАТОТ ИЛИ ВИЛИЦАТА
Необјасниов чувство на нелагодност во вратот или вилицата, или стегање на грлото кое никогап претходно не сте го почувствувале, може да укажува на срцев удар и треба веднаш да контактирате лекар.
ВПЕЧАТОК ДЕКА НЕШТО НЕ Е ВО РЕД
Пациентите со срцев удар на своите лекари, често им пријавуваат дека ги мачи чувство на пропаст – како ништо околу нив да не е како што треба да биде. Слушајте го тој глас во својата глава.
