Овошјето секогаш е една од најздравите алтернативи за вкусен и хранлив појадок. Меѓутоа, ако се консумира во одредени комбинации, овошјето може да стане природен лек за разни проблеми со здравјето.
Противвоспалителна комбинација – вишни, ананас и боровници
Комбинацијата од вишни, ананас и боровници е одлична за лекување на воспалителни процеси во организмот. Ова овошје, а особено ананасот, е познато по големата количина на витамин Ц кој докажано помага во спречување на воспаленија, било да се работи за мускулите и воспаление од друг вид.
Јакнење на имунитетот – грејфрут, киви и јагоди
Оваа овошна комбинација ефикасно делува на имунитетот, односно на неговото јакнење. Нутритивните вредности со кои располагаат овие намирници делуваат на целиот организам, па освен за јакнење на имунитетот, оваа комбинација делува и на симптомите на настинка и грип. Кивито е особено богато со витамин Ц, кој помага кога станува збор за лекување на болести предизвикани од слаб имунитет.
Антиоксиданти – смокви, грозје и калинка
Оваа комбинација е одлична овошна бомба полна со антиоксиданти. Имено, антиоксидантите се познати како соединенија кои помагаат при зачувувањето на здравјето на организмот, го подобруваат варењето и го забрзуваат метаболизмот.
Природна детоксикација – гоџи бобинки, лубеница и лимон
На организмот од време на време му е потребна одредена детоксикација, а ова се најдобрите намирници кои ќе помогнат во тоа. Овошната комбинација која вклучува гоџи бобинки, лубеница и лимон, ефикасно делува при исфрлање на вишокот токсини од телото.
Подигање на енергијата – банана, авокадо и јаболко
Комбинацијата од банана, авокадо и јаболки, е најдобра кога е во прашање подигнувањето на енергија во организмот. Благодарение на нутритивните вредности со кои располага, бананата инаку е одлично решение за слаба енергија и хроничен замор. Затоа, не е ни чудно што бананата е идеален избор за консумирање пред вежбање или пред спортување.
