Која е најлошата болест која можете да ја „закачите“ од испотена гардероба за вежбање? За почеток, можете да навлечете вирусна инфекција, грип, ешерихија коли…
Колку често треба да се пере облеката за во теретана?
Вистината е дека одговоорт на ова прашање зависи од неколку фактори. Доколку спаѓате во личности кои речиси воопшто или не се потат претерано, опремата за вежбање можете да ја носите дури и неколку пати пред да ја перете. Но ако вашите тренинзи се исклучително интензивни, што значи добро да се испотите за време на вежбањето, тогаш би морало да ја перете после секој тренинг.
Модерната спортска облека најчесто е направена од материјали кои мораат да се перат на ниски температури, но тука постои проблем. Млаката вода нема да ги отстрани бактериите кои се вгнездиле во испотената облека. Ако перете на температура која е пониска од 40 степени, мудро би било да додадете и антибактериско средство за перење алишта, а кое, на пример, го содржат речиси сите течности за миење садови. Значи, или зголемете ја температурата на перење или додадете го овој вид средство.
Исто така, воопшто не е важно дали вежбате во затворена просторија или сте љубител на фитнес на отворено – облеката секако ќе се извалка. Разликата е во тоа што во теретаните, корситејќи ги справите за вежбање или подлогите кои ги користат други, можете да „соберете“ бактерии и бацили од другите луѓе.
Ако вежбате надвор, ќе соберете кал, бактерии и нечистотија од природното опкружување.
Уште еден совет злато вреден: место работите да ги оставате во торбицата, подобро е веднаш да ги исперете или макар да ги проветрите. Во спротивно ризикувате бактериите да се размножат, а со самото тоа и потешко ќе ги отстраните.
