Најпроблематичи се оние намирници кои содржат скриен шеќер. Токму поради нив не забележувате колку шеќер внесувате во своето тело и на тој начин ја нарушувате телесната тежина, а со тоа и здравјето.
“Немаме апсолутно никакво биолошко оправдување за внесување на толку многу шеќер во организмот. Иако луѓето би требало да консумираат најмногу до седум чаени лажички шеќер дневно, најчесто го внесуваме двојно повеќе“, вели нутриционистот Сара Мекин.
Избегнувањето на чоколадо, крофни или други десерти е една работа – но, проблемот е во тоа што голем дел од шеќерите кои ги јадеме, не се очигледни. Маскирани се во храна која на прв поглед можеби воопшто не изгледа “слатка“.
“Денес многу прехранбени производи содржат дополнително шеќер и им се одземаат мастите за производот биде повкусен. Но, тоа и не прави гладни, бидејќи во нив нема масти“, објаснува Мекин.
Ова се само некои од таквите намирници:
Прелив за салата
Ако се трудите здраво да се храните, па за време на паузите на работа, посегате по салата, наместо по нездрав сендвич, правите погрешен чекор, велат нутриционистите, Имено, следниот пат кога на својата салата ќе го ставате тој префинет прелив, внимавајте бидеќи најчесто содржи лажичка шеќер во себе.
Јогурт
Иако некои јогурти содржат и свои природни шеќери, многу производители ставаат дополнителни, индустриски засладувачи. Дури и немасниот јогурт со вкус може да содржи 17 до 33 грама шеќер, што одговара на една чаша сладолед од чоколадо.
Путер од кикирики
Зависи кои најчесто го купувате, но и путерот од кикирики исто така може да содржи шеќери.
Овесни снегулки
Иако се извор на здрави влакна, ако купувате овесни снегулки со вкус на овошје, знајте дека и тие имаат помеѓу 10 и 15 грама шеќер по пакување. Во својот појадок подобро додадете свежо овошје.
Кечап
Само една лажица од вашиот омилен сос содржи околу четири грама шеќер.
