Болката во нозете најчесто не е симптом на некоја болест, туку секојдневен проблем на сите луѓе чија работа бара долго стоење или седење. Со болката се јавуваат и грчеви, како и отоци, особено околу петите и скочниот зглоб.
Но, освен целодневното стоење, напрегање или вежбање по кои следи воспаление на мускулите, постои уште цела низа на причини за појава на болка во нозете.
Грчеви
Ако сте почувствувале нагла болка во нозете, а е и со многу силен интензитет, најверојатно станува збор за грч. Тој настапува кога телото е преморено или дехидрирано.
Се што можете да направите е нежно да го истегнете згрчениот мускул и да се напиете чаша вода, а во иднина внимавајте внесот на течности да е задоволителен. Многу е важно да се пие доволно вода, оти недоволната хидратација влијае на појавата на грчеви.
Несоодветни чевли
Апостолки, балеринки, потпетици и патики не го оптоваруваат стапалото на ист начин. Секој од наведените видови обувки, е предизвик за зглобовите, колената, колковите и ‘рбетот. Размислете за тоа какви чевли носите откако ќе ги почувствувате првите симптоми, како силна болка во грбот.
Проширени вени
“Се проценува дека од 30 до 40% од возрасните лица имаат проблем со проширени вени, надворешни или внатрешни. Половина од нив имаат вени видливи на површината на нозете, додека другата половина пати од оние внатрешните“, предупредува д-р Марк Вајтли.
Воспалението се влошува со тек на времето, предизвикувајќи постојано чувство на уморни нозе, болка и тежина, нагласуваат стручњаците, со напомена дека е важно на време да се третира проблемот. Поголем проблем создаваат внатрешните вени кои не е секогаш едноставно да се препознаат, но ако болката ве мачи од ден во ден, обратете се кај лекар.
Тендинитис
Ако ве мачи изразено силна болка во долниот дел на листот, во близина на петата, можно е да се работи за тендинитис. Тегобите обично почнуваат при трчање или напрегање, но наскоро прераснуваат во болка која и дневните активности како качување по скали ги прави непријатни. Структурата на Ахиловата пета, која е зафатена со ова воспаление, слабее со возраста, па особено внимателни би требало да бидат рекреативците.
Канцелариска работа
Ако работите канцелариска работа, која се состои од осумчасовно седење, многу е важно во текот на работното време да прошетате и да ги истегнете болните мускули. Ако имате можност тркалање на мека топка на подот која ќе ја стискате со нозете, може да помогне за одржување на циркулацијата и со тоа за намалување на болката во нозете.
