Постојат лица кои кога се нервозни и загрижени често уринираат. Ова не е толку ретка појава и е многу чест симптом на анксиозност. Иако нема многу истражувања на оваа тема, досегашните, според стручњаците укажуваат на неколку можни причинители.
Кога лицето е мирно и опуштено, мочниот меур постепено се полни со урина од бубрезите. Во текот на целиот ден, телото испраќа сигнали со мозокот дека треба да уринира. Но, кога истото лице ќе почне да се чувствува нервозно и анксиозно, нештата се менуваат. Тоа главно е поради фактот дека мочниот меур е блиско поврзан со системот за страв во телото и одговор на тоа е борба или бегство.
Кога тој одговор ќе се активира, мозокот тежнее да ги премости сите тие сигнали кои говорат дали е време или не за уринирање. Во исто време, мускулите на мочниот меур се стеснуваат, што создава поголем притисок на бешиката и создава потреба за одење во тоалет.
“Значи, кога се чувствувате анксиозно, загрижено, реакцијата на страв на вашето тело може да се покрене, да ги преплави механизмите за задржување на урината во мочниот меур, предизвикувајќи потреба за мокрење“, објаснува психологот Ашвин Надкарни.
