Лекарите секогаш ќе истакнуваат дека е важно да се знае кои симптоми откриваат некоја опасна болест, бидејќи во тој случај се смета секоја минута. Ова е преглед на симптомите на дијабетес, Алцхајмерова болест, карцином, болести на срцето и секако КОВИД-19.
ПРВИ СИМПТОМИ НА ДИЈАБЕТЕС
Ова се типични симптоми на шеќерната болест, сепак некои нема да ги имаат, оти кај нив ќе се јават во блага форма
- Често мокрење
- Постојан жед
- Силна глад без оглед што сте јаделе
- Силен замор
- Замаглен вид
- Красти или рани по телото кои не зараснуваат
- Намалување на телесна тежина
- Трнење или болка во рацете или стапалата
Ако ги забележите, обратете се кај лекар.
ПРВИ СИМПТОМИ НА АЛЦХАЈМЕРОВА БОЛЕСТ
Симптоми се делат во три фази. Во раната фаза, главен симптом е промена во помнењето, па така на пример, лицето кое е во почетна фаза на болеста може да забележи:
- Заборава неодамнешни разговори или случувања
- Заборава каде нешто ставил
- Заборава имиња, места и предмети
- Има проблеми со размислувањето или пронаоѓањето зборови
- Често поставува прашања
- Лошо проценува или тешко донесува одлуки
- Помалку е флесибилно и не сака да пробува нови работи
Присутни се и чести промени на расположението, вознемиреност или лутина, како и периоди на целосна конфузија.
ПРВИ СИМПТОМИ НА РАК
“Повеќето знаци не е се предизвикани од самиот карцином, туку од други работи. Ако имате симптоми кои подолго време не поминуваат или само се влошуваат, мора да посетите лекар и да откриете за што се работи“, стои во соопштението на Американското здружение за рак. На пример, лимфните јазли ќе спречат продор на штетни материи во организмот, и обично се мали, па ако одеднаш се зголемат, може да се работи за инфекција и воспаление, па во некои случаи и за рак. Ако имате необичен јазол или израсток на кожата или под неа, секако треба да отидете на лекар.
Овие симптоми мора да ги запомните оти се поврзани со ракот, но и со други состојби:
- Замор кој не престанува ни поодмор
- Губење килограми без јасна причина
- Проблеми со исхраната – губење на апетит или проблеми со голтање
- Отечени лимфни јазли
- Јазол на дојката или на некој друг дел од телото
- Болка, особено нова која се јавува без причина и не поминува
- Промени на кожата – нова бенка, рана што не зараснува, отоци, чиреви кои не поминуваат
- Кашлица што не поминува
- Необично крварење без причина
- Промени во работата на меурот – болно мокрење, крв во урината или често и ретко мокрење
- Температура
- Главоболки
- Проблеми со видот и со слухот
- Промени во устата
ПРВИ СИМПТОМИ НА БОЛЕСТИ НА СРЦЕТО
Симптомите во голема мера ќе зависат од тоа за каков вид на болест станува збор. Ако станува збор за таложење на плак во артериите или атеросклероза, тоа секако претставува закана по здравјето и може да предизвика срцев удар, болка во градите или мозочен удар. Симптомите може да варираат и кај жени и кај мажи. Мажите често ќе доживеат болка во градите, а жените – отежнато дишење, гадење и тежок замор. Овие се симптомите на кои мора да обрнете внимание:
- Болка во градите, стегање во градите, непријатно чувство
- Тешкотии при дишењето
- Болка, слабост или чувство на ладење во нозете или рацете
- Болка во вилицата, грбот, грлото, горниот дел на стомакот
ПРВИ СИМТПМИ НА БОЛЕСТА КОВИД-19
“Раните симптоми можат да бидат замор, главоболка, болки во грлото или треска. Некои доживеале губење на мирис и вкус. Симптомите можат да бидат лесни или тешки и секогаш да се влошуваат за неколку дена. Кај некои ќе се развие воспаление на белите дробови или пневмонија. Симптомите и нивното интензивирање варираат од личност до личност и затоа е важно секогаш да контактирате со лекар, дури и ако симптомите се благи. Всушност, ако почувствувате некој од овие симптоми, не заборавајте веднаш да контактирате со вашиот лекар.
