Алцхајмеровата болест е една од најчестите форми на деменција, а станува збор за прогресивна болест на мозокот која се карактеризира со губење на помнењето. Најновите научни порценки говорат дека до 2020 година во светот може да има 43 милиони заболени, до 2040 дури 81 милион, а до 2050 година над 115 милиони лица со деменција.
Но губењето на помнењето не е единствен, иако е најкарактеристичен симптом на оваа болест.
Постојат и други кои ретко кој ги поврзува токму со развојот на деменција. Прв симптом кој се појавува обично е заборавеноста по прашање на неодамнешни случувања, со релативна сочуваност на долгорочната меморија, а тоа често се припишува на староста. Меѓутоа, лицето со Алцхајмер често има промени во однесувањето, станува депресивно или има напади на смеење. Сосема се вообичаени и ситуации кога не може да се сети каде ги оставило клучевите, а се јавуваат и проблеми околу датумот и годината тој ден.
Се јавуваат проблеми и со одржување на секојдневната хигиена и неможност да се состави смислена реченица. Ретко кој ќе ги поврзе некои симптоми со Алцхајмерова болест, како на пример, чешањето, односно компулсивното чешање. Неретко лицата со оваа болест знаат да се чешаат и до крв, но не е точно познато која е поврзаноста на овој симптом со болеста.
Иако проблемите со видот, исто така, се препишуваат на старeчки тегоби, спoред нова студија, ова се наведува како уште еден од раните симптоми на деменција во доцните фази од животот. Старите лица кои имаат слаб вид имаат за 5 до 10 пати поголем ризик од заболување од Алцхајмерова болест или друга форма на деменција во период од 8,5 години по влошување на видот.
