Леукемијата е рак на крвта или коскената срж, а се јавува кога телото почнува да акумулира очигледно абнормални бели крвни зрнца (леукоцити). Додека тоа се случува, се намалува бројот и способноста на созреаните крвни зрнца. Зрнцата се нарекуваат абнормални затоа што тие не можат правилно да созреат, а оваа неспособност да се созрее е главниот недостаток во леукемијата. Тогаш организмот станува чувствителен на сите видови инфекции. Статистичките податоци покажуваат дека леукемијата најчесто ја погодува старосната популација од 50 до 70 години. Симптомите може да бидат различни за одредени видови, но постојат и некои симптоми што ги имаат сите типови леукемија. За жал, не ретко се случува симптомите да се занемарат, а всушност навремената реакција е клучна.
- Бледа кожа: ладни раце, анемија;
- Умор: уморот е постојан;
- Инфекција и грозница: чести инфекции;
- Диспнеа: отежнато дишење, особено по физичка активност, губење воздух;
- Долго зараснување на раните: кожата лесно се оштетува;
- Болка во коските и зглобовите: остра или пригушена болка;
- Главоболка: долготрајна и силна главоболка;
- Воспаление на жлездите, лимфните јазли;
- Атипично крвавење;
- Губење тежина;
- Болка во стомакот, дуење, болки во долниот дел на грбот, мачнина, повраќање;
- Потење, крвавење од носот, грозница…
Слушајте ги сигналите на вашето тело, раната дијагноза на леукемија е клучниот фактор за нејзино излекување.
