Воспаление на бели дробови може да добие секој, оти станува збор за најчеста компликација на респираторниот систем, а особено на грипот. Иако често е последица на некои инфекции, постојат над 30. различни причинители на оваа болест. Лицата кои имаат астма, ХОББ или друга хронична болест спаѓаат во ризична група.
Воспалението на белите дробови или пневмонијата е акутно, инфективно воспаление на белодробниот паренхим кое ги зафаќа алвеолните простори и просторот помеѓу алвеоилите.
КОИ СЕ СИМПТОМИТЕ?
Тие може да варираат од средно интензивни до интензивни, зависно од видот на воспалението на белите дробови кое го имате, а овие се вообичаените:
- Кашлица
- Температура
- Треска
- Потешкотии при дишењето
ОСТАНАТИТЕ СИМПТОМИ МОЖЕ ДА ВКЛУЧУВААТ:
- Прободувачка и силна болка во градите
- Главоболка
- Силно потење
- Губење на апетит, недоволно енергија и замор
- Збунетост – особено кај повозрасни лица
ШТО ГО ПРЕДИЗВИКУВА ВОСПАЛЕНИЕТО?
- Бактерии
- Вируси
- Микоплазми
- Инфекции како габични
- Надворешни фактори
КОИ СЕ РИЗИК ФАКТОРИТЕ?
Секој може да заболи од воспаление на белите дробови, а ризик факторите вклучуваат:
- Возраст – ако сте помлади од пет години и постари од 65 години
- Пушачи
- Неодамна прележани респираторни инфекции
- Хронични белодробни болести
- Останати болести како воспаление на белите дробови, болести на срцето, црниот дроб или дијабетес
- Слаб имун систем
Најризични групи се сметаат многу мали деца со се уште недоволно развиен одбранбен систем, и општо лица со хронична болест и оштетувања на имуниот систем, додека кај лицата постари од 65 година пневмонијата е изразено тешка, а често и смртоносна.
