Кога станува збор за хормоналните промени неретко последна ја споменуваме храната како лек. Неважно дали станува збор за промени, стрес или ПМС, одредени намирници може да помогнат хормоните да се доведат во баланс и да се подобри целокупното здравје.
АВОКАДО
Авокадото е вкусен додаток на било кој оброк. Може да помогне со управување со хормоналниот стрес, па дури и да влијае на хормоните кои го регулираат менструалниот циклус. Богато е со бета-ситостерол кој помага во рамнотежата на хормонот на стрес, а билните стероли делуваат на естрогенот и прогестеронот – хормони кои се одговорни за овулацијата и менструалниот циклус.
ЛЕНЕНО СЕМЕ
Лененото семе има значаен извор на фитоестрогени кои може да спречат канцерогени болести. Освен тоа, лененото семе е одличен извор на омега-3 масни киселини, влакна и антиоксиданти.
БРОКУЛА
Покрај многуте здравствени придобивки, брокулата можа да направи баланс на хормоните оти помага во одржување на рамнотежата на естрогенот, а толку е богата со калциум што помага и при предменструалниот синдром.
