Губењето на видот најчесто се случува постепено. Предупредувачките знаци може да се такви да не ги забележуваме додека не почнат да создаваат посериозни проблеми, како што е глаукомот. Има неколку симптоми кои упатуваат на тоа дека треба да се појде на лекар.
Ноќно возење
Речиси 60 отсто од светската популација има потреба од корекција на видот, но добра вест е дека 80 отсто од визуелните потешкотии можат да се избегнат или поправат. Промените во видот ги забележуваме со текот на времето, дури и кога се ситни или постепени. Редовните очни прегледи се клучни за рано дијагностицирање на болестите на окото и корекциите на видот.
За повеќето возрасни личности првиот знак дека видот се менува е отежнато ноќно возење. Кога возите ноќе, посветете внимание на тоа дали можете јасно да ги гледате другите автомобили и сообраќајни знаци. Ако ноќе светлата многу ви пречат, не можете да ги видите знаците или имате потешкотии при разликувањето на објектите, појдете на офталмолог.
Општото здравје, од исхраната до навиките за спиење може да влијаат на очите. Доколку неодамна ви е дијагностициран дијабетес, лупус, пореметување на штитната жлезда или некоја друга состојба која може да влијае на очите морате да почнете да се грижите за видот и да се посоветувате со офталмолог.
Очниот преглед не ги идентификува само промените на видот, туку на офталмологот му дава можност да го процени здравјето на очните и капаците. Иако некои инфекции се повлекуваат сами од себе, многу се заразни и постои можност од трајни последици. Доколку чувствувате чешање, сте забележале црвенило – време е за преглед.
Точки и аури
Пречките додека гледате – освен точки и аури, може да забележите и мали летечки честички. Доколку тоа се случи ненадејно, ваквите пречки можат да упатуваат на одвојување на мрежницата или други посериозни проблеми со мрежницата, па затоа појдете на лекар.
Ако немате ниту еден од наведените симптоми, видот проверувајте го барем еднаш во две години. Во случај на дијабетес во семејството, глауком или други наследни состојби, видот би требало да го проверувате почесто.
