Познато е дека краставицата одлично освежува во лето, на жешкото време. Но, ретко се спомнува дека овој зеленчук е извор на некои важни витамини, флавоноиди и посебна група на растителни влакна.
Извор на витамин К. Иако краставицата ретко се спомнува кога се зборува за овој витамин, таа е добар избор, оти 100гр краставица содржи 20% од дневните потреби на овој витамин, кој е важен за коските, работата на мозокот и изградбата на тромбоцити.
Одличен извор на флавоноиди. Краставицата содржи апигенин, лутеолин, кверцетин и кемпферол. Сите овие флавоноиди благотворно делуваат на здравјето на крвните садови, органите за дишење и очите.
Извор на лигнани. И овој факт многу ретко се споменува кога се работи за краставицата. Познато е дека добар извор на лигнани е лененото семе, но ги има и во краставицата. Лигнаните се познати по поволното делување на кардиоваскуларното здравје, како и на хормоналната рамнотежа. Докажано е дека го намалуваат ризикот од малигни заболувања, поврзани со естрогенот, а тоа се рак на дојка, јајчници, грло на матка и простата.
Делува антиинфламаторно. Сите состојки кои ги содржи краставицата, а особено флавоноидите допринесуваат за намалување на воспаленија со низок интензитет во телото. Воспаленијата со низок интензитет се поврзуваат со т.н. “цивилизациски болести“, како обезност, дијабетес, кардиоваскуларни болести и рак.
