Ендометриозата е состојба во која, слузницата што ја обложува внатрешната површина на матката, може да се најде на невообичаени места, во стомачната шуплина или други органи кои не припаѓаар на матката.
Најчесто се јавува кај жените во текот на репродуктивниот период, помеѓу 20 и 40. година од животот, но може да се сретне и кај жени кои се во менопауза. Се смета дека секоја петта жена помлафа од 40 години има ендометриоза, а само 2 до 4’ од жените во менопаузата го имаат ова пореметување.
Ризикот за ендометриоза е 10 пати поголем доколку семејната анамнеза е позитивна, односно доколку постои податокот дека пореметување имале мајката или бабата.
Симптомите на ендометриоза се најчесто во вида на:
- Болни или многу болни менструации
- Болки при празнење на мочниот меур или цревата
- Болки при полов однос
- Болки во грбот
- Понекогаш, пред менструалниот циклус или за време на циклусот се јавува мачнина, гадење, повраќање.
- Доколку слузницата која ја обложува внатрешната површина на матката се наоѓа на дијафрагмата, се јавуваат силни болки под десниот ребрен лак, кои имитираат напад на камења во жочката.
- Руптура (прскање) на ендометријална циста може да направи слика на акутна инфекција на стомачната шуплина.
Се смета дека кај 20 до 50% од жените, неплодноста е последица на ендометриоза.
