Ревматоидниот артритис е хронично воспалително заболување на сврзното ткиво кое најпрво ги зафаќа зглобовите. За симптомите на болеста да се држат под контрола и да се спречи оштетување на зглобовите, важно е утврдување на соодветни медикаментозни и физикални терапии, но и отстранување на одделни лоши навики (пушење, консумирање алкохол), како и придржување до одредени насоки кога се работи за исхраната.
Имено, одделни намирници би можеле да ги ублажат симптомите на оваа болест и да го забават нејзиното напредување, а ова особено е важно за пациентите кои не реагираат добро на антиревматски лекови.
Колку за пример, во овие намирници спаѓа и овошјето како што се сувите сливи, грозјето, боровинките, калинката, грејпфрутот, мангото, бананите, јаболката и праските. Од житарките тоа се овес, ’рж, просо, пченка, интегрален ориз. Често се нагласува и значењето на зачините како што се куркумата и ѓумбирот, а од намирниците кои уште помагаат кај симптомите на ревматоиден артритис тука се и маслиновото масло, рибиното масло, зелениот чај, јогуртот (и пробиотиците воопшто). Овие намирници ја подобруваат способноста на телото да ги елиминира токсините, додека истовремено го намалуваат нивото на цитокинот т.е. супстанците кои ги лачат клетките на имунолошкиот систем, а кои можат да предизвикаат воспаленија кај лицата со ревматоиден артритис.
