Според истражувањето објавено во “Journal of American Heart Association” гледањето телевизија е полошо и од целодневното седење на работната столица, особено ако станува збор за маратонско гледање на филмови или серија.
Во истражувањето учествувале 3592 возрасни лица кои ги откриле своите навики околу гледањето телевизија, седењето во канцеларија и вежбањето. Истражувачите потоа ги следеле осум години проверувајќи го здравјето на срцето и крвните садови и испитувајќи го односот помеѓу здравјето и навиките кон кои се склони.
Поединци кои дневно гледале телевизија подолго од четири часа, ризикот од срцеви болести и прерана смрт бил поголем за 50% во споредба со оние кои гледале телевизија два часа помалку. Студијата покажала дека гледањето телевизија е поштетно од целодневното седење зад канцелариската маса.
“Гледањето телевизија се одвива на крајот на денот кога повеќето луѓе имаат време за обилен оброк. Да се јаде и истовремено да се седи пред телевизор навечер е многу штетно“, вели д-р Џанет Гарсија, водач на студијата и професорка по кинезиологија и физикална терапија. Втора причина се грицките кои луѓето обожаваат да ги јадат додека гледаат телевизија.
