Знаете ли што ќе се случи ако јадете овесна каша секој ден?
Овесната каша се вари полека, богата е со растителни влакна и протеини и има ниско ниво на масти и калории. Идеална е за лекување на воспалителни состојби, како што е егзема или иритации. Нејзините уникатни својства произлегуваат од присуството на широкиот спектар на хранливи материи. Цинкот помага да се исчисти кожата и да се отстранат токсините и другите штетни соединенија. Исто така, ефикасно ги намалува порите и ја подмладува кожата. Тука е и железото, како и манганот, кој го отстранува отекувањето и воспаленијата, а поради него кожата побрзо се опоравува по повреди, модрици, изгореници и други микро повреди. Магнезиумот ја нормализира циркулацијата на крвта и ги обновува клетките на кожата.
Од консумирањето овесна каша бенефит имаат и мускулите кои добиваат повеќе протеини. Една порција или околу 8 лажици овес, на вашето тело му обезбедува 15 проценти од препорачаната дневна доза на протеини. Не заборавајте на витаминот Е, антиоксиданти, глутамин, кој помага побрзо да се регенерираат мускулните влакна
Овесот содржи бета-глукан, кој го намалува шеќерот во крвта, а неговото дејство го подобрува присуството на витамин Ц. Не е случајно што се препорачува овесната каша да се комбинира со сок од портокал.
Енергија! Ќе бидете полни со енергија! Овесната каша содржи јаглехидрати и дава повеќе енергија, овозможувајќи подолго време да бидете сити и да ја избегнете потребата за друга храна. На тој начин ќе изгубите и вишок на килограми. Дневната консумација на овес ќе го подобри вашиот метаболизам. Исто така, го регулира апетитот и го одржува нормалното ниво на шеќер во крвта. Хранливите материи не само што го забрзуваат метаболизмот, туку спречуваат и насобирање на маснотии и токсини во телото, како и прејадување.
Овесната каша е непријател број еден за холестеролот
Поради линолеинската киселина и растворливите влакна го намалува нивото на триглицериди и лош холестерол во крвта. Овие хранливи материи ги „чистат“ остатоците од маснотиите на ѕидовите на артериите и го штитат нашето тело од развој на тешки болести како што се атеросклероза, срцев удар и мозочен удар.
Овесот е решение и за проблеми со варењето. Стручњаците препорачуваат дневна консумација на влакна од 25 до 35 грама што е идеално за добро варење, а само мала порција на овесна каша содржи 1/5 од препорачаниот дневен внес на влакна.
