Артритисот влијае на се повеќе луѓе ширум светот, важно е да се препознаат симптомите на време за да се започне со лекување што е можно поскоро.
Болеста обично започнува бавно, со појава на замор, зголемено потење, утринска вкочанетост на одредени зглобови. Пациентите ја опишуваат појавата на вкочанетост, замрзнатост или невештост при извршување на вообичаените утрински активности. Вкочанетоста на зглобовите типично се јавува по период на мирување. Бидејќи уништувањето на зглобовите се случува брзо на почетокот на болеста, раната дијагноза на артритисот и успешната контрола на текот на болеста резултира со одржување на работната способност кај заболените.
Артритисот всушност служи и за опишување на бројни состојби кои припаѓаат на таа категорија. Така, остеоартритисот настанува како последица на обидот на телото да ги поправи оштетените зглобови, а воспалителниот артритис ќе ги оштети зглобовите, ќе предизвика црвенило, оток… колку добро ги познавате симптомите на оваа состојба? Проверете…
- ЧУВСТВУВАТЕ БОЛКА ПРИ ДВИЖЕЊЕ
Ако прекумерно употребувате еден или повеќе зглобови, може да дојде до силно чувство на болка која ќе се намали со одмор.
- ТЕШКО ГИ ИЗВРШУВАТЕ ДНЕВНИТЕ АКТИВНОСТИ
Остеоартритисот во колковите може да го отежне одењето, па дури и облекувањето чевли. Непријатност се јавува при чучнување, качување по скали…
- ЗГЛОБОВИТЕ БОЛАТ И КОГА ОДМОРАТЕ
Кога станува збор за напредокот на остеоартритисот, болката може да се појави дури и кога спиете… А воспалителниот артритис ќе влијае на сонот, а симптомите може и да се влошат.
- ЗАМОР
Тоа е нормална последица на непроспиените ноќи, а може да доведе до високо ниво на замор и недостаток на енергија.
- ЗГЛОБОВИТЕ СЕ ОТЕЧЕНИ
Незгодно е што вкочанетоста на зглобовите во оваа состојба може да трае и до 30 минути доколку не сте се движеле некое време, сте лежеле во кревет или слично…
- НЕСТАБИЛНИ СТЕ
Колената и зглобовите на колкот се чувствителни на движење, така што постои поголем ризик од паѓање и кршење на коските.
- ПРОМЕНИ НА РАСПОЛОЖЕНИЕТО
Сите симптоми на артритис може да доведат до проблеми со менталното здравје, а се јавуваат и депресија и анксиозност, кои се чести кај лицата кои живеат со хронична болка. Токму ваквите состојби можат само да ги влошат симптомите и чувството на болка.
- НАРУШЕН КВАЛИТЕТ НА ЖИВОТ
Кога знаеме дека се работи за комбинација од болка, замор, депресија и анксиозност, лесно е да се разбере како артритисот ќе го наруши квалитетот на животот и ќе го отежне поминувањето квалитетно време со пријателите и партнерот.
- ЧУВСТВУВАТЕ БОЛКА, ИАКО ЈА НЕМА
Болката од артритис исто така може да биде тригер за одговор на болка што не постои, како на пример кога правите нешто како вклучување на светлата во куќата. Чувството на болка може да се појави и на други делови од телото кои не се поврзани со зглобовите.
- ПУЦКАЊЕ ВО ЗГЛОБОВИТЕ
Ако се работи за артритис, може да слушнете нешто како пуцка или клинка во зглобовите на коленото.
