Иако низ годините учиме како да го контролираме своето расположение, или како да му се препуштиме, тоа се одредени здравствени состојби кои можат силно да влијаат на личноста и однесувањето – кое никако не наликува на вас.
- АЛЦХАЈМЕРОВА БОЛЕСТ
Оваа болест влијае на размислувањето, расудувањето, меморијата и донесувањето одлуки, и поради сето ова, човек може да остане збунет. На самиот почеток, може да се чувствувате вознемирено и полесно да се лутите, а со текот на времето симптомите може да се влошат. Слатка и грижлива личност може да стане напорна да наредува на секого. Или некој кој некогаш многу се грижел и бил под постојан стрес, може да стане мирна и задоволна личност.
- ПАРКИНСОНОВА БОЛЕСТ
Она што може да започне со благ тремор во рацете, може да се развие во проблеми со одењето, спиењето и размислувањето. На почетокот, лицето може да биде оптоварено со детали, а потоа да изгледа отсутно и незаинтересирано за ништо. Во овој случај е тешко да се задржат мисли на една работа.
- МУЛТИПЛА СКЛЕРОЗА
Имуниот систем ги напаѓа нервите во мозокот и ‘рбетниот мозок. Може да предизвика различни проблеми, од такви со мочниот меур до неможност за одење. Понекогаш може да доведе до чувство на еуфорија, каде што среќата е многу посилна од која било нормална реакција. Може да предизвика смеа или солзи без никаква контрола и ваквите реакции не мора да бидат поврзани со реалната состојба на умот.
- БОЛЕСТИ НА ТИРОИДНАТА ЖЛЕЗДА
Тироидната жлезда произведува хормони кои му кажуваат на телото колку брзо треба да работи. Ако премногу ги произведе, резултатот може да биде како некој да го притиснал педалот за гас. Можете лесно да се налутите, да бидете анксиозни и да имате промени во расположението. Можете исто така и да заборавате. Ако состојбата не се лекува, проблемите можат само да се влошат.
- ТУМОР НА МОЗОКОТ
Ако се наоѓа на фронталниот лобус, тоа може да влијае на промени на личноста, емоциите, решавањето проблеми и помнењето. Исто така, може да предизвика промени во расположението, да ве направи агресивни или да поттикне параноични мисли.
- НЕКОИ ФОРМИ НА РАК
Туморите во мозокот и ‘рбетниот мозок не се единствените што влијаат на личноста. Ако се наоѓа на тироидната жлезда, која ги контролира хормоните, симптомите може да бидат исти.
- МОЗОЧЕН УДАР
Кога крвта не може да стигне до мозокот, клетките немаат доволно кислород и изумираат. Последиците секако зависат од тоа колку траел мозочниот удар и во кој дел од мозокот се случил. Покрај физичките последици, може да станете нетрпеливи, да имате силни промени во расположението или да бидете импулсивни.
- ДЕПРЕСИЈА
За жал, продира во сите агли на животот. Не само што ќе го промени расположението, туку и ќе влијае на начинот на размислување и донесување одлуки. Може да биде многу различна кај мажите и жените. Жените ќе се чувствуваат безвредно, виновно, додека мажите ќе чувствуваат замор, иритација и лутина.
- ОПСЕСИВНО КОМПУЛСИВНО ПОРЕМЕТУВАЊЕ
Оваа состојба носи вознемиреност, анксиозност од непријатни мисли кои едноставно не можат да се запрат. На пример, постојано ги миете рацете и не можете да престанете. Ако некој ве критикува, состојбата може да се влоши, оти тоа ја храни вашата вознемиреност.
- БИПОЛАРНО ПОРЕМЕТУВАЊЕ
Оваа состојба ќе предизвика промени во расположението во секојдневниот живот. Кога има позитивно чувство, тогаш станува збор за еуфорија, брз говор и влегување во ризик. Кога периодот е лош, лицето се чувствува безвредно. Може да влијае на лошо расположение и проблеми со размислувањето.
- ШИЗОФРЕНИЈА
Поради оваа сериозна ментална болест, може да ви се чини дека слушате гласови и гледате работи што не постојат. На почетокот на болеста, може да се повлечете од социјалниот живот, а однесувањето често нема никаква врска со карактерот на личноста, тешко е да се предвиди и е надвор од контрола.
