Најважно е да се дојде до вистинската дијагноза за што поскоро да се реши проблемот, кој може да предизвика и неправилна работа на тироидната жлезда.
Нарушувањето на тироидната жлезда, хипотироидизам или хипертироидизам, заедно со други симптоми, речиси секогаш резултира со поблаг или потежок замор. Во случај на хипотироидизам, заморот е директна последица на забавувањето на метаболизмот во мускулите и нервниот систем. Заморот, заедно со нарушената функција на тироидната жлезда, може да се поврзе и со голем број други болести, како што се анемија, низок крвен притисок, срцеви заболувања, а може да се појави и како резултат на стрес и брз начин на живот. Еве кои симптоми би можеле да откријат дека за вашиот замор е одговорна тироидната жлезда, некои од нив секако може да бидат поврзани и со други состојби.
МОЖЕТЕ ДА ПРЕДВИДИТЕ ПРОМЕНИ
Ако забележувате пад на вашето расположение секогаш во зима, кога деновите се пократки и кога сонцето ретко се појавува, одговорот би можел да лежи во нормалниот процес на телото. “Може да дојде до забавено функционирање на тироидната жлезда во текот на зимата, а така телото ќе штеди енергија“, објаснува д-р Кели Броган. Она што го носат некои од состојбите на тироидната жлезда, како што е, на пример, бавното функционирање на тироидната жлезда, е токму лошото расположение и недостатокот на енергија во секое време од годината, не само во текот на зимата. Посетата на лекар би можела да ви помогне да го препознаете образецот, а лекарот тоа ќе го направи преку различни тестови, од кои сигурно наједноставен е преку крвта.
ТЕШКО ВИ Е ДА СЕ РАЗБУДИТЕ
Тешко ви е да станете штом заѕвони алармот? Ако тоа се случува понекогаш, немате причина за загриженост, но ако постојано се будите толку уморни да вие тешко да станете на звукот на алармот и постојано го одложувате будењето и не знаете како ќе го “одработите“ денот, една од потенцијалните причини може да биде и тироидеата. “Кога недостасуваат хормони на штитната жлезда, метаболизмот се забававува, што исто така може да влијае на депресивно расположение и недостаток на мотивација“, наведува докторката.
ЗАБРЗАНО ПАЃАЊЕ НА КОСАТА
Сезонското афективно нарушување е познато под различни имиња како „зимски блуз“ или „зимска депресија“ и влијае на лошото расположение, но симптомите може да се поклопуваат и со хипотироидизам, но би било невообичаено лицето кое страда од него да има само емоционални проблеми, вели д-р Броган. Ова значи дека чувството на тага и безволност би биле само дел од проблемот. “Хипотироидизмот не е само депресија, може да забележите симптоми како што се запек, студени раце и стапалае, опаѓање на косата и безживотен изглед на кожата“, објаснува таа.
