Д-р Хедер Модеј, имунолог, вели дека пациентите често прашуваат како може да се измери и како се мери здравјето на имуниот систем. “Им велам дека се работи за подвижна лента и дека не постои специфичен орган преку кој тој може да се изолира, да се види преку снимка, биопсија или некој друг тест.
Сепак, постојат сигнали кои откриваат дека вашиот имун систем е ослабен и треба да го засилите.
КОИ СЕ ТИЕ СИГНАЛИ НА ОСЛАБЕН ИМУН СИСТЕМ
Често сте болни и потребно е повеќе време за опоравување
Неколку настинки во текот на годината не се нешто за што треба да се грижите, но ако тие постојано се враќаат и симптомите не исчезнат со недели, можеби станува збор за слаб имун систем. Имунолошкиот систем вклучува бариери кои ги држат штетните материи подалеку од организмот, а тие компоненти вклучуваат:
- Рефлекс на кашлица кој ни помага да се ослободиме од она што го иритира грлото.
- Производство на плунка, која ќе ги зароби бактериите и малите честички и ќе им помогне да излезат од телото.
- Желудочна киселина која ќе ги уништи сите микроби кои влегуваат во организмот преку храната и водата.
Постојано сте под стрес
Одредени нивоа на стрес може да бидат и добри за имуниот систем. Така, стресот во сообраќајот ќе го поттикне телото да произведува одбранбени механизми во истиот момент, а токму на овој начин краткорочно ќе му помогне на имуниот систем.
Од друга страна, хроничниот стрес може да биде лоша вест и така да го ослабне имуниот систем што ќе доведе до зголемени инфекции и бавно опоравување од болести. Истражувањата покажуваат дека и честите епизоди на стрес може да ги влошат автоимуните болести како што е артритисот, но и алергиски реакции како егзема и астма.
Често се јавува херпес на устата
Вирусите кои предизвикуваат појава на херпес ќе останат во телото по првото појавување. Сепак, кога сте под голем стрес или имате слаб имунитет, вирусот може да се реплицира и повторно да се активира. Токму честите реинфекции значат дека на имуниот систем му е потребна дополнителна помош.
Земате лекови кои го слабеат имуниот систем
За жал, многу важни лекови кои се користат при лекување на рак со хемотерапија, кои превенираат исфрлање на трансплантираниот орган или за лекување на автоимуни болести, можат да влијаат на имунитетот.
Кортикостероидите, лекови кои се користат за алергии, астма или некоја друга имунолошка болест, исто така може да влијаат на слабеење на имунитетот. Дури и историја на честа употреба на антибиотици може да доведе до оштетување на микробиомот во дигестивниот тракт, што исто така може да влијае на имуниот систем.
