Не се чувствувате добро, но не знаете дали е во прашање алергија, грип или КОВИД-19? Според зборовите на д-р Инџи Јилдирим од Универзитетот Јеил, се чини дека делта сојот малку поинаку влијае на симптомите.
Стручњакот за вируси, д-р Том Спектор смета дека овој сој делува поинаку и дека поради тоа треба да бидеме многу претпазливи дури и ако симптомите се јават во блага форма. Ако не се чувствувате добро, останете дома и тестирајте се, но продолжете да читате за да знаете како навреме да ги препознаете симптомите на делта сојот.
ГЛАВОБОЛКА
Д-р Јилдирим појаснува дека ова е еден од главните симптоми, а често имал можност да види пациенти кои ги мачела главоболка токму поради делта сојот. “Сме виделе многу проблеми со главоболка кај заболените од КОВИД-19, а тоа вклучува и варијации – од тромбоза до различни кардиоваскуларни заболувања“.
БОЛКИ ВО ГРЛОТО
Според Јилдирим, болното грло е еден од потенцијалните симптоми на инфекција со коронавирус, но не е најчест.
ТЕЧЕЊЕ НА НОС
Иако ова најчесто е симптом на настинка, се јавува и кај лица кои се заразени со делта сојот, смета лекарот.
“Симптомите на алергија исто може да влијаат на оваа промена, но и синусите и белите дробови. Може да се јави кивање, затнат нос, кашлица, свирење во градите или губење на воздух“, додава д-р Арвен Басин од Мајо9 клиниката.
“Некои од овие симптоми може да се преклопуваат со КОВИД-19, а досега сме виделе многу пациенти кои кашлаат, им тече нос, тешко дишат или ги мачи силен замор – сите тие може да бидат симптоми на алергија, но и на КОВИД-19. Но, кога е во прашање КОВИД-19, пациентите често ќе имаат температура, губење на мирис и вкус, болка во мускулите, мачнина или пролив, што не се случува кај алергии“, додава тој.
МОЖЕ ДА ИМАТЕ ПОКАЧЕНА ТЕМПЕРАТУРА
Покачена или висока телесна температура е еден од главните симптоми на КОВИД-19, а често се пријавува и кога е во прашање делта сојот. Нормална телесна температура мерена во усната шуплина се движи помеѓу 36,8 степени +/- 0,4. Најниските вредности кај повеќето лица се мерат во 6 часот наутро, а највисоките вредности е мерат помеѓу 16 и 18 часот. Највиска телесна температура измерена во усна шуплина во 6 часот наутро е 37,2 степени, а највисока нормална температура измерена во усна шуплина во 18 часот е 37,7 степени. Вредностите измерени над наведените, се сметаат за покачена телесна температура.
СИМПТОМИТЕ СТАНУВААТ ПОСЕРИОЗНИ
Еден од клучните сигнали дека се работи за делта сојот е токму сериозноста на симптомите. Тие можат да бидат исклучително изразени, а за овој сој на вирусот се смета дека е двојно позаразен од останатите варијанти и дека поради него луѓето почесто заврпуваат на болничко лекување. Оние кои не се вакцинирани секако се со поголем ризик од хоспитализација, но и од смртен исход.
