Според ЦДЦ, 4,5 милиони возрасни Американци имаат болест на црниот дроб. “Обезност, дијабетес, висок крвен притисок, висок холестерол – вообичаени карактеристики на метаболичкиот синдром – сите се познати главни фактори на ризик за развој на бо9леста на замастен црн дроб“, вели гастроентерологот, д-р Крег Ламерт од Медицинскиот факултет на Универзитетот Индијана.
Еве кои пет знаци, според ескертите, значат дека црниот дроб ви е оштетен.
Болка во стомакот
Непријатноста во стомакот може да биде знак за оштетување на црниот дроб, велат лекарите. “Не сакате да пожолтете од жолтица или да чувствувате болка во горниот десен дел од стомакот, бидејќи тоа се знаци дека вашиот црн дроб е веќе многу болен“, вели д-р Салех Алкахтани, директор на клинички истражувања на црниот дроб за Џонс Хопкинс. “Далеку е подобро да се запре заболувањето на црниот дроб пред да стане премногу сериозно.
Жолтица
Жолтица е еден од најчестите знаци на оштетување на црниот дроб, велат експертите. „Жолтицата е жолта промена на бојата на кожата и белките на очите поради абнормално високите нивоа на билирубин (жолчен пигмент) во крвотокот“, додава д-р Алкахтани. “Урината е обично темна поради билирубинот што се излачува преку бубрезите. Високото ниво на билирубин може да се препише на воспаление или други абнормалности на клетките на црниот дроб или блокада на жолчните канали. Понекогаш жолтицата е предизвикана од распаѓање на голем број црвени крвни зрнца, што може да се појави кај новороденчињата. Жолтицата е обично првиот знак, а понекогаш и единствениот знак за заболување на црниот дроб“.
Иритирана кожа
“Често, цирозата не покажува знаци или симптоми се додека оштетувањето на црниот дроб не е опсежно“, вели хепатологот д-р Сумера Илјас. “Кога ќе се појават симптомите, тие најпрво може да вклучуваат замор, слабост и губење на тежината, гадење, модринки или лесно крварење, отекување на нозете, стапалата или глуждовите, чешање на кожата, црвенило на дланките и крвни садови слични на пајакова мрежа“.
Чувство на ситост
Чувството на ситост без причина може да сигнализира проблеми со црниот дроб. „Зголемениот црн дроб обично е показател за заболување на црниот дроб, иако обично нема симптоми поврзани со благо зголемен црн дроб (хепатомегалија). Симптомите на значајно зголемен црн дроб вклучуваат абдоминална непријатност или „чувство на ситост““. Велат лекарите.
Замор
“Еден од најчестите и исцрпувачки симптоми кај луѓето со заболување на црниот дроб е заморот“, вели д-р Мелиса Палмер. „Универзално е за сите видови заболувања на црниот дроб од примарна билијарна цироза до хроничен хепатитис Ц. Кај некои пациенти заморот започнува неколку години по дијагностицирањето на заболување на црниот дроб. За други, тоа е главната причина за барање лекарска помош. Кај таквите лица, тие постојано посетуваат различни лекари во потрага по причината за нивната екстремна малаксаност. Некои пациенти бараат дури и психијатриска евалуација, бидејќи депресијата често е придружен симптом“.
