Од ден на ден, кардиолозите сведочат на ефектите кои лошата исхрана ги има врз здравјето на срцето на нивните пациенти. И додека повремено уживаме во некои намирници е во ред – чаша вино во петок, десерт по неделниот ручек – но, постојат намирници кои никогаш не се на нивното мени.
МЕСНИ ПРЕРАБОТКИ
Сланина, шунка, виршли и кобасици секојдневно се на менито на повеќето луѓе, но на кардиолозите не им паѓа на памет да ги консумираат. Месните преработки се всушност месо кое е солено, сушено, ферментирано или димено за да му се продолжи рокот на траење. Иако овие намриници се брзи и практични за подготовка, хемикалиите и натриумот кои се корстат во месните преработки се штетни за срцето, особено ако се консумираат во големи количини.
ЦРВЕНО МЕСО
Кардиолозите велат да црвено месо се јаде еднаш месечно и тоа не масни парчиња. При подготовката користете зачински билки за вкус, и избегнувајте путер, сосови на основа на неутрална павлака и други тешки додатоци.
ПУКАНКИ И ЧИПС
Едно истражување покажало дека 99,2% од луѓето в светот консумираат над 2.000мг натриум дневно (а не се препорачува над 1.599мг). Лицата кои консумираат над 2.000мг ќе завршат во статистиката како едно од десет лица кои умираат од кардиоваскуларни болест. Но, тоа не значи дека мора во целост да се откажете од овие грицки. Обидете се да се префлите на чипс кои сами ќе го испечете и несолени пуканки без додаток на путер.
ДИЕТАЛНИ СОКОВИ
Според кардиолозите, обичните сокови се подобар избор од диеталните верзии. Според нив, аспартамот во диеталните сокови е полош од шеќерот или фруктозниот пченкарен сируп и може да ја поттикне желбата за благо.
ДОДАДЕНА СОЛ (по готвењето)
Навиката на досолување на храната води кон проблеми со крвниот притисок. Високиот притисок ги стеснува артериите и ги прави крути, што е сигурен пат кон некои од болестите на срцето и крвните садови. Кардиолозите потенцираат дека е неважно дали во соларникот имате хималајска, розева или друга сол – ако во себе има и се нарекува сол, не е добра за вас.
ЖИТНИ СНЕГУЛКИ И ЖИТАРКИ ОД КУТИЈА
Кога појадувате житни снегулки или било кои житарки со додаден шеќер, тоа е исто како да јадете слатки. Ви расте шеќерот во крвта, триглицеридите и холестеролот, предупредуваат лекарите Изберете житарки со што помалку додаден шеќер, или уште подобро јадете овесна каша. Може да ја јадете секој ден, а во неа да додадете свежо овошје, наместо сушено, кое исто така содржи повеќе шеќери.
БЕЛ ЛЕБ
Бел леб, тестенини и бел ориз се намирници кои кардиолозите ги избегнуваат во широк лак. Тие велат дека можеби за тоа не размислуваме доволно, но целта треба да ни биде намалување на количината на скроб од намирници од бело брашно или рафиниран ориз, оти тие во телото само се претвораат во шеќер.
