Телото активира одговор на имуниот систем кога мисли дека телото го нападнале штетни патогени. На почетокот испраќа цитокини и други воспалителни клетки да се борат против проблемот и започнуваат процес на оздравување, што доведува до отоци, болки, црвенило на кожата и уште многи нешта.
Акутно воспаление се јавува при повреди, но некогаш може да дојде и до хронично воспаление. Овој тип на воспаление се појавува кога телото ќе покрене реакција на имуниот систем, и покрај тоа што не е во опасност. Хроничното воспаление може да доведе до разни сериозни болести како рак и Алцхајмерова болест. Иако одредни медицински состојби може да доведат до хронично воспаление, обезните и лицата кои прекумерно консумираат алкохол исто така имаат зголемен ризик.
Одредена храна, како пржената храна или преработено месо, исто така предизвикуваат воспаление. Следењето кои работи ја влошуваат оваа состојба може долгорочно да помогне да се чувствуме подобро. Додека многу нешта очигледно го влошуваат воспалението, некои тајно се провлекуваат, а може да предизвикаат реакција.
МЕСО
Можеби сте слушнале дека преработеното месо предизвикува воспалителна реакција, но животинските протеини, генерално, исто така може да доведат до оваа состојба.
„Една од причините зошто делува воспалителни е затоа што содржи масти, особено заситени масти кои можат да бидат воспалителни. Одредени аминокиселини во месото исто така можат да бидат воспалителни и да доведат до промени во цревниот микробиом, како и до целокупната дигестија и метаболизам. Луѓето кои јадат многу месо внесуваат и нитрати, кои исто така предизвикуваат воспаление “, објаснува д-р Дана Елис Ханес.
“Консумирањето премногу мрсна храна и месни производи, исто така, може да ја промени чувствителноста на инсулин и да предизвика зголемување на телесната тежина, како и гастроинтестинални воспаленија. Толку многу слушаме за кетогени диети и палео диети за слабеење што не земаме предвид колку се нездрави, а всушност се воспалителни“, додава таа.
Наместо тоа, лекарката препорачува исхрана базирана на билки или исхрана базирана на цели зрна, јаткасти плодови, семки, мешунки, овошје, зеленчук и слично, бидејќи сите овие намирници се антиинфламаторни, полни со влакна, вода, витамини и минерали.
ПРЕЛИВИ ЗА САЛАТА
Д-р Џона Бурдеос пак предупредува на истражувањата кои покажуваат дека големи количини шеќер во исхраната придонесуваат за зголемено воспаление. А она што многу луѓе не го знаат, додава д-р Бурдеос, е дека шеќерот дополнително се внесува преку преливите за салата.
“Заменете го купечкиот прелив за салата со свој сопствен прелив на база на маслиново масло. Маслиновото масло е добар извор на омега-3 масни киселини кои можат да го инхибираат воспалението. За кремаста текстура, измешајте го со авокадо, кое исто така е богато со омега-3 масни киселини“, советува д-р Бурдеос.
ЕНЕРГЕТСКИ БАРОВИ
Енергетските барови може да бидат и извор на внесување на дополнителни преработени јаглехидрати кои го поддржуваат воспалението.
“Можете да ги замените со парче овошје и обични јаткасти плодови без додаден шеќер. Комбинацијата ќе ви даде слатка и крцкава текстура слична на енергетскиот бар, но без додаден шеќер. Ќе добиете и растителни влакна, за кои е докажано дека ги намалуваат маркерите на воспалението“, додава експертката.
ЗАЧИНИ
Мешавините на зачини овозможуваат вкус на секое јадење, но може да содржат вештачки бои кои исто така можат да доведат до воспаление. Неколку научни написи тврдат дека боите за храната се поврзани со разни болести како што се цревни воспаленија и невролошки состојби.
