Досега многу истражувања докажале дека болките како што се мигрената, болките во грбот или рамената, па дури и губењето желба за секс, се во директна врска со емоциите како што се тагата и разочарувањето.
Главоболка и мигрена
Умот што е полн со негативни или вознемирувачки мисли може да предизвика појава на главоболка. Обидете се да ги разбистрите мислите и не грижете се премногу. Се препорачува редовна медитација.
Болка во вратот
Напнатоста предизвикува болки во вратот. Тврдоглавоста и неспособноста да му простите некому може да бидат причина за појава на овие болки.
Болка во рамената
Доколку сте си ’натовариле’ премногу должности и обврски со кои не можете да се справите, можно е да се јават овие болки. Поставете граници и не дозволувајте луѓето секогаш да очекуваат дека ќе ги исполнувате нивните желби.
Болка во горниот дел на грбот
Предизвикана е од осаменост и чувството на отфрленост. Сакате да љубите и да бидете сакани, но нешто ја спречува вашата комуникација со другите луѓе и тоа ве прави интровертни, понекогаш дури и агресивни.
Болка во долниот дел од грбот
Оваа болка се јавува заради финансиски проблеми или проблеми на работа. Може да укажува на потребата од промени на професионален план.
Болка во лактите и колената
Овие делови од телото се поврзани со неподготвеноста на човекот за животни промени. А болката во нив укажува на неспособност за прилагодување. Мора да научите да правите компромиси и да бидете флексибилни. Прилагодувањето на нови услови е знак на интелигенција.
Болка во карлицата
Укажува на проблеми во емоционалниот однос со партнерот.
Воспалено грло
Ако не постои логично објаснување, како што се настинката или алергиите, причината можеби се крие во чувството на горчина и разочарување. Обидете се да бидете благодарни. Непријатните емоции можат да ви го уништат животот.
