Според студија од 2017 година луѓето кои често јадат брза храна имаат за 51 отсто поголем процент да развијат некој облик на депресија во споредба со оние кои не јадат хамбургери, хот дог или пица.
Намирници богати со натриум
Големо количество натриум може да го поремети нервниот систем, што може да биде поврзано со депресија, а, исто така, може и негативно да влијае на имунитетот и да предизвика умор. Премногу натриум може да резултира со задржување вода во организмот и надуеност.
Хидрогенизирано масло
Одбегнувајте да јадете пржена храна, затоа што која било храна која се пржи на масло и содржи транс масти може да биде поврзана со депресијата. Исто така, бидете внимателни и со заситените масти, кои можат да се пронајдат во животинските намирници, полномасните млечни производи, путерот… Овие намирници можат да ги запушат артериите и да спречат доток на крв до мозокот.
Рафиниран шеќер
Рафинираните шеќери го реметат нивото на глукоза во крвта и ја црпат сета енергија, го менуваат расположението и водат кон неправилен сон.
Рафинирани житарки
Белиот ориз, пастата и печивата се намирници кои се поврзуваат со воспалителните процеси во телото и можат да бидат поврзани со депресија, што го потврдила и студија објавена во магазинот Brain, Behavior and Immunity. Иако студијата била спроведена над 40 000 жени се верува дека овие намирници можат да имаат исто влијание и врз мажите. Истражувањето покажало дека жените кои консумирале рафинирани намирници имале поголема можност да заболат од депресија во однос на оние кои не ги консумирале овие намирници.
