Храната одредува како ќе функционира нашето варење (дигестија), па јасно е дека во случај на проблеми, или конкретно во случај на констипација (запек), треба многу нешта да се променат во исхраната за редовна столица.
Еве што треба да јадете:
БАДЕМИ – содржат здрави масти кои му помагаат на здравјето на организмот, а влијаат на поволната дигестија и динамика на цревата. Само две порции бадеми, односно 23 бадеми содржат 3,5 грама влакна. Овие јаткасти плодови се одличен избор за грицкање меѓу оброците.
ЈАГОДИ – вреден извор на диетални влакна. Претставуваат одличен избор за лицата кои патат од констипација, бидејќи по едно сервирање содржат 6 грама влакна. Содржат и висок процент на витамин Ц, кој влијае на општото здравје на организмот, а покрај сето ова, имаат и многу малку калории.
ПУКАНКИ – за пуканки неретко посегаат оние кои сакаат да ја намалат телесната тежина, а не сакаат да се откажат од грицкање. Заборавете на масло и сол, тука зборуваме за природно зрно пченка без додатоци. Имаат само 30 калории по порција, а ја поттикнуваат функцијата на дигестивниот тракт.
СУВИ СЛИВИ – добро познат трик за поттикнување на варењето. Богати се со антиоксиданти, содржат многу витамин А, а најефикасни се во форма на сок. Ставете ги во тенџере и оставете на тивко да се варат. Може да направите сок или сируп.
ОВЕСНА КАША – овесните снегулки содржат влакна кои се растворливи и кои помагаат при проблеми со варењето, а го штитат и здравјето на срцето. Може овесната каша да се комбинира со овошје и јаткасти плодови, а може да се обогати со мача или протеински прав. Содржи над 6 грама влакна на само 80 грама.
