На многумина им се случило од фрижидер да извадат одредена намирница на која се создала мувла… На некои дури и да каснат храна која е со мувла, а да сфатат дека нешто не е во ред дури откако ќе забележат дека вкусот е поразличен. И да ви се случи тоа не е толку страшно, стручњаците велат дека ќе бидете сосема во ред, но треба да знаете дека постојат неколку работи за кои треба да бидете свесни ако ви се случи да изедете мувла.
Она што сите го кажуваат е дека сигурно нема да умрете од тоа и дека храната, ако веќе сте ја проголтале, ќе се свари како и секоја друга.
Зелената мувла која се јавува на овошјето може да предизвика мачнина, но само заради мирисот и непријатниот вкус, не затоа што содржи отрови. Затоа се советува малку да почекате ако изедете мувлосана намирница, не морате да трчате на лекар. Стомакот не е баш пријателско место за бактерии, па тие тешко можат да преживеат во нас.
Во случај да внесете поголемо количество мувла, вашите симптоми можат да бидат мачнина и повраќање и тогаш треба да појдете на лекар. Мувлата често предизвикува и алергии, па може да се случи и некоја алергиска реакција која не е баш пријатна.
На некои од нас често им се случува само да го отсечат мувлосаниот дел и остатокот од храната кој е добар го јадат. Но треба да се знае дека мувлата има длабоки корени во храната, а не само во оној дел што ние го гледаме и е покриен со зелена скрама. Некои тврди сирења, салами, тврдо овошје и зеленчук може и понатаму да се јадат затоа што мувлата тешко продира подлабоко во намирницата.
Храната која може да се јаде и кога ќе се отстрани мувлата е тврдото сирење, тврдото овошје и зеленчук. Но затоа обавезно фрлете ги меките сирења, овошја, печените намирници, леќата, оревите, јогуртот, џемовите и месото кога на нив ќе забележите мувла.
Сепак, најдобро од се е да спречите храната да мувлоса. Затоа чувајте ја во фрижидер, бидејќи мувлата се јавува кога температурата е малку повисока.
