Едноставно нашиот желудник поинаку реагира кога е полн или празен, па за тоа треба да се поведе сметка. На празен стомак особено треба да се избегнува внесот на алкохолни пијалаци. Алкохолот патува директно во крвотокот, се шири по целото тело и предизвикува ширење на крвните садови што резултира со привремено чувство на топлина, побавен пулс и понизок крвен притисок. Доколку стомакот е полн се намалува апсорпцијата на алкохолот и неговото ширење по виталните органи, и така се намалува штетата која ја предизвикува алкохолот.
Една од најчестите грешки која ја прават многумина е и пиењето утринско кафе на гладно. На тој начин желудникот ја зголемува киселоста што понатаму предизвикува дигестивни проблеми во текот на денот. Добра препорака е половина час пред кафето да испиете лимонада измешана со малку мед.
Соковите, дури и оние свежо цедените го намалуваат нивото на глукоза во крвта, што понатаму ја зголемува гладта, па треба да се одбегнуваат. Консумирањето газирани пијалаци на празен стомак го намалува снабдувањето на крв во стомакот и може да ја оштетат слузокожата. Генерално треба да се одбегнуваат во текот на целиот ден.
Јогуртот е уште една намирница која треба да се одбегнува да се консумира на празен стомак. Имено, големата киселост на празен стомак ги намалува сите предности на бактериите од млечната киселина кои се наоѓаат во јогуртот.
Зачинетата храна може да го поттикне производството на желудочна киселина и да ја оштети слузокожата на желудникот. Според мислењето на многу стручњаци, не е секое овошје и зеленчук добро за појадок.
Иако бананата е мошне здрава, пружа енергија и ја поттикнува работата на дигестивните органи, таа содржи и големи количества на калиум и магнезиум што доведува до нерамнотежа на овие материи во крвта.
Цитрусното овошје може да предизвика проблеми кај личностите кои патат од воспаление на хранопроводот, па ова овошје треба да го одбегнуваат. Секако, треба да го одбегнувате секое овошје каде се јавува подригнување на празен желудник.
Доматите, исто така, се здрави, полни со хранливи материи, но содржат високо ниво на танинска киселина која ја зголемува киселоста во желудникот и доколку стомакот ви е празен може да предизвика киселини.
