![leneno seme](https://panacea.mk/wp-content/uploads/2019/04/leneno-seme-696x421.jpg)
Во последните години се повеќе се зборува за позитивните здравствени ефекти на лененото семе. Благодарение на влакната, омега-3 масните киселини и другите активни состојки, со вклучувањето на лененото семе во исхраната ќе направиме одлична работа за нашиот дигестивен и кардиоваскуларен систем.
Една супена лажица (10 грама) ленено семе содржи дури 3 г влакна кои помагаат во превенцијата од запек, ја одржуваат цревната флора здрава и, според бројните истражувања, го намалуваат ризикот од дијабетес. Кога станува збор за протеините, споменатото количество семе содржи околу 1,8 г протеини, а ленот претставува одличен извор на аминокиселините аргинин и глутамин, кои се важни за силен имунитет и здрав кардиоваскуларен систем. Семето од лен е исклучителен извор на повеќекратно незаситени масни киселини меѓу кои се алфа-линолеинската киселина. Оваа омега-3 масна киселина помага во регулацијата на високиот крвен притисок, зголемено ниво на холестерол, како и превенција од атеросклероза и срцев удар.
Кога станува збор за витамините и минералите, лененото семе е одличен извор на витамини Б1 и Б6, фолна киселина, потоа магнезиум, манган и калиум, а содржи и фитохемикалии како што се ферулинската киселина, фитостеролите, лигнаните и кумаринската киселина.
Затоа ви препорачуваме лененото семе да го мелете пред употреба, за на тој начин да имате поголема придобивка од сите корисни состојки што се содржат во него. Меленото семе можете да го консумирате со јогурт, да го посипете преку житарки, салати или да го додадете во брашното за леб, па дури и колачи, а кога ќе почнете да го внесувате во исхраната внимавајте да внесувате доволно течности во текот на денот.