Неодамнешни анализи покажале дека одредени професии се поврзани со зголемен ризик од развој на различни срцеви болести и други кардиоваскуларни проблеми. Студијата објавена во Medical News Today покажала дека жените од одредени професии се изложени на поголем ризик од развој на срцеви проблеми. Иако научниците наведуваат дека факторите кои доведуваат до повисок ризик од срцеви заболувања се нездравата исхрана, недостатокот на физичка активност и пушењето, постои и еден фактор кому засега не му се обрнува доволно внимание – а тоа е професијата.
Раководни позиции
Студија која била споревдена на научен собир во Јапонија открила дека поединци на раководни позиции, без оглед на дејноста, се иложени на поголем ризик од добивање срцеви болести. Но центрите за контрола и превенција на болести велат дека е нејасно во која мера прпфесионалните фактори на ризик можат да придонесат за срцеви проблеми и заради тоа поттикнуваат нови истражувања вооваа област.
На седниците на American Heart Association во Филадејфија, била претставена студија која додала уште посилни аргументи на тоа како некои професии навистина имаат врска со болестите на срцето. Било објаснето и кои професии доведуваат до зголемен ризик од развој на здравствени проблеми, осовено кај жените.
Социјалните работници спаѓаат во најризичната група
Истражувачите ја испитувале поврзаноста помеѓу здравјето на срцето и различните професии на преку 65 000 жени, чија просечна возраст била 63 години и кои веќе минале низ менопауза. Социјалните работнички имаат 36 отсто поголема шанса за развивање на срцеви проблеми отколку оние кои се бават со други професии. Нешто подолу се благајничките, со 33 отсто.
Медицинските сестри, прихијатрите и домашните помошнички имаат 16 отсто шанси за заболување. Меѓу нив најголем ризик од развој на кардиоваскуларни проблеми имаат медицинските сестри со 14 отсто.
Истражувачите, исто така, укажале на поврзаноста меѓу одредени професии и понискиот ризик од кардиоваскуларни заболувања. Тука се покажало дека агентите за продажба имаат 24 отсто помала шанса да добијат срцева болест од оние кои имаат друга професија, додека кај административните работници ризикот е помал за 11 отсто.
