Витаминот Б12 е есенцијален нутриент кој природно не се произведува во телото, туку мора да се внесе преку храна или додатоци во исхраната. Примарната улога на витаминот Б12 е создавање на црвени крвни зрнца и ДНК. Понатаму, игра значајна улога во развојот на мозочните и нервните клетки.
Со оглед дека оваа хранлива материја е неопходна за различни телесни функции, нејзиниот недостаток може да доведе до различни здравствени проблеми, вклучително и лошо орално здравје.
Се вели дека ниските нивоа на витамин Б12 предизвикуваат орални проблеми, особено на јазикот. Ова се случува затоа што недостатокот на витамин Б12 предизвикува намалување на производството на црвени крвни зрнца, што резултира со намален проток на кислород до јазикот.
- Болен и црвен јазик
Глоситис е воспаление на јазикот што предизвикува оток, црвенило и болка. Според лекарите, глоситисот може да доведе до ситни испакнатини на јазикот. Оваа состојба се карактеризира со мазен или болен јазик со сјаен изглед. Тешкото воспаление на јазикот може да предизвика оток и црвенило, како и болка што може да го промени начинот на кој јадете или зборувате.
- Афти
Афтите исто така може да бидат знак за недостаток на витамин Б12. Тоа се мали и болни ранички во устата. Тие обично поминуваат сами од себе, но избегнувањето на оцет, цитруси и лути зачини може да помогне. Некои лекови без рецепт може да ја ублажат болката.
- Промена на бојата на јазикот и чувство на печење
Уште еден симптом на недостаток на витамин Б12 е отечен и задебелен јазик, како и чувство на печење и промена на бојата на јазикот.
Освен наведените, симптомите на недостаток на витамин Б12 вклучуваат и:
- Замор
- Губење на здив
- Главоболка и вртоглавици
- Бледа кожа
- Срцебиење
- Гастроинтестинални проблеми
- Потешкотии во концентрацијата
Како да внесете витамин Б12?
Витаминот Б12 може да се добие со консумирање говедско, свинско, шунка, живина, јагнешко месо, риба, морски плодови како што се школки и ракови, јајца и млечни производи како млеко, сирење и јогурт.
